डिजेल र पेट्रोलमा थप १/ १ रुपैंया पुर्वाधार कर शुल्क लिने

प्रकाशित मिति : Sun-16-Feb-2076
- प्रदिप श्रेष्ठ

काठमाण्डौं,जेठ । सरकारले जलविद्युत आयोजना र सडक निर्माण गर्नका लागि डिजेल र पेट्रोलमा थप १/१ रुपैंया पुर्वाधार कर शुल्क लिने भएको छ ।

आ.व २०७६/०७७ को बजेट विनियोजनमा डिजेल र पेट्रोलमा थप १/ १ रुपैंया पुर्वाधार कर शुल्क लिन निर्णय गरेको हो । यस भन्दा अघि डिजेल र पेट्रोलमा ५ पुर्वाधार कर शुल्क उठाउँदै आइरहेको थियो । अब बढाएर ६ रुपैंया शुल्क लिनेछ । तर एलपी ग्यास र मटितेलमा भने शुल्क उठाएको छैन ।

सरकारले आ.व २०७३/०७४ को बजेट सार्वजनिक गर्दै भन्सार बिन्दुमा नै प्रतिलिटर ५ रुपैंया पूर्वाधार शुल्क लिने निर्णय गरेको थियो । यस भन्दा अघि उठाएको कर रकम बुढीगण्डकी आयोजना निर्माणका लागि खर्चने जनाएको थियो । डिजेल र पेट्रोल शिर्षकबाट २९ अर्ब रुपैंया संकलन भएको छ । तर उक्त रकम बुढीगण्डकी आयोजनामा खर्च भएको पाइदैन ।