अन्तर्राष्ट्रिय स्तरको १२औँ फिन इलेक्ट्रो

अन्तर्राष्ट्रिय स्तरको १२औँ फिन इलेक्ट्रो–टेक २०२६आयोजना हुने

प्रकाशित मिति : मंगल, जेठ १२, २०८३
- विद्युत संसार संवाददाता

8काठमाडौँ । नेपाल विद्युतीय व्यवसायी महासंघको आयोजनामा आगामी जेठ २२ गतेदेखि २५ गतेसम्म काठमाडौँको भृकुटीमण्डपमा अन्तर्राष्ट्रिय स्तरको बृहत् प्रदर्शनी फिन इलेक्ट्रो–टेक २०२६आयोजना हुने भएको छ । १२औँ अन्तर्राष्ट्रिय इलेक्ट्रिकल–इलेक्ट्रोनिक प्रदर्शनी तथा सिम्पोजियम का रूपमा यो मेला चार दिनसम्म सञ्चालन हुनेछ ।

नेपालमा जलविद्युत् उत्पादन, विद्युत् पहुँच विस्तार, औद्योगिक विकास तथा डिजिटल प्रविधिको प्रयोग तीव्र रूपमा बढिरहेको वर्तमान अवस्थामा सुरक्षित, गुणस्तरीय तथा आधुनिक विद्युतीय सामग्रीको अपरिहार्यताबारे सचेतना जगाउन यो मेला आयोजना गर्न लागिएको महासंघले जनाएको छ ।

बजारमा विद्युतीय सामग्रीको माग र प्रयोग बढ्दो क्रममा रहेकाले उपभोक्ता, व्यवसायी र प्राविधिक क्षेत्रलाई नवीनतम प्रविधि, अन्तर्राष्ट्रिय मापदण्ड, सुरक्षा प्रणाली तथा ऊर्जा दक्ष समाधान बारे जानकारी गराउनु यसको मुख्य उद्देश्य रहेको पनि जनाइएको छ ।

मेला आयोजक समितिका अध्यक्ष एवम् संयोजक दिलीपकुमार अग्रवालका अनुसार प्रदर्शनीका सम्पूर्ण स्टलहरू बुकिङ भइसकेका छन् । यस अन्तर्राष्ट्रिय प्रदर्शनीमा नेपालसहित विभिन्न देशका प्रतिष्ठित कम्पनी, उत्पादक, आयातकर्ता, वितरक तथा प्रविधि प्रदायक संस्थाहरूको सहभागिता रहने छ ।

चार दिने प्रदर्शनीमा प्रसारण तथा वितरण सामग्री, स्मार्ट ऊर्जा समाधान, औद्योगिक तथा घरेलु विद्युतीय उपकरण, वायर, केबुल तथा कण्डक्टर, एलईडी लाइटिङ्ग, स्मार्ट स्विच, सुरक्षा प्रणाली, सौर्य ऊर्जा, अटोमेसन प्रणाली, सूचना प्रविधि तथा अत्याधुनिक इलेक्ट्रोनिक्स सामग्री प्रदर्शनमा राखिने छन् । उपभोक्ताहरूले एउटै थलोमा विभिन्न राष्ट्रिय तथा अन्तर्राष्ट्रिय ब्रान्डका उत्पादन तुलना गर्न, प्राविधिक जानकारी लिन र सुरक्षित विद्युतीय सामग्रीको प्रयोगबारे सचेतना हासिल गर्न सक्ने व्यवस्था मिलाइएको छ ।

यस पटकको ूफिन इलेक्ट्रो–टेक २०२६ू को टाइटल स्पोन्सरमा ट्रान्सवेल्ड ट्रान्सर्फमर ९ट्रान्सवेल्ड नेपाल प्रा। लि।० र ुपावर बाईुमा ह्याभेल्स इन्डिया लिमिटेड रहेको छ । त्यस्तै, प्लेटिनम स्पोन्सरमा जनता केबल इन्डस्ट्रिज प्रा। लि। र डायमण्ड स्पोन्सरमा लेजर इन्डिया प्राइभेट लिमिटेड र ग्रेटहाइट ग्लोबल प्रा। लि। रहेका छन् ।

अन्य बैंकिङ, बीमा तथा प्राविधिक साझेदारहरूमा गोल्ड स्पोन्सरस् ब्रिलेन्ट एलईडी ९एस।एम।सी। ग्लोबल प्रा। लि।०, अफिसियल बैंकस् नविल बैंक लिमिटेड, अफिसियल इन्स्योरेन्सस् सिद्धार्थ प्रिमियर इन्स्योरेन्स लिमिटेड, अफिसियल क्यारियरस् एस। के। बी ग्रुप, टेक्नोलोजी पार्टनरस् जुलाई टेक ल्याब्स, इन्टरनेट पार्टनरस् सजिलो नेट छन् ।

नेपाल उद्योग वाणिज्य महासंघ, नेपाल उद्योग परिसंघ, नेपाल चेम्बर अफ कमर्श लगायत सरोकारवाला संस्थाको सहयोग र सहभागिता रहने प्रदर्शनीमा स्वदेश तथा विदेशका उद्योगी, व्यवसायी, इन्जिनियर, आर्किटेक्ट, विद्यार्थी, सञ्चारकर्मी र सर्वसाधारण गरी हजारौँ आगन्तुकले अवलोकन गर्ने अपेक्षा गरिएको छ ।