काठमाडौं,जेठ । दोलखा जिल्लामा निर्माणाधिन ४ सय ५६ मेगावाटको माथिल्लो तामाकोसी हाइड्रो पावर कम्पनीको ११औं वार्षिक साधारण सभा हुने भएको छ । 

कम्पनीको गत जेठ ७ गते बसेको सञ्चालक समिति बैठकले आगामी असार ११ गते साधारण सभाको मिति तय गरेको हो ।

 

 कम्पनीको साभारण सभाबाट आर्थिक वर्ष २०७४/७५ को वार्षिक प्रतिवेदन पारित गर्ने कार्यसूची छ । चालु वर्षको असार मसान्तसम्मको वासलात तथा नाफा नोक्सान हिसाब र नगद प्रवाह विवरणमाथि पनि छलफल गरी पारित गरिने कम्पनीले जनाएको छ । 

 

यस्तै, साधारण सभामा लेखा परीक्षण समितिको सिफारिस बमोजिम चालु वर्षका लागि लेखा परीक्षक नियुक्त गर्ने तथा पारिश्रमिक निर्धारण गर्ने प्रस्ताव समेत पारित हुने भएको छ । कम्पनीको प्रबन्ध पत्र तथा नियमावली बमोजिम साधारण सभाले सर्वसाधारण शेयर सदस्यको तर्फबाट ४ जना सञ्चालक समिति सदस्य चयन गरिने कम्पनीले जनाएको छ । साधारणसभा काठमाडौंको कमलादीस्थित नेपाल प्रज्ञा प्रतिष्ठानमा हुने कम्पनीले जनाएको छ । आयोजनाबाट आगामी आर्थिक वर्षदेखि विद्युत उत्पादन गर्ने लक्ष्य कम्पनीको रहेको छ ।