डोटी, बैशाख ।  ३.३३ मेगावाट क्षमताको सालमुनि जलविद्युत आयोजनाबाट विद्युत उत्पादन शुरु भएको छ । डोटी जिल्लाको बडीकेदार गाउँपालिका–१ विपीनगरस्थित कापडी गाडमा निर्माण भएको उक्त आयोजनाले मंगलबार देखि विद्युत उत्पादन शुरु गरेको हो । करिब रु एक अर्बको लगानीमा निर्माण गरिएको उक्त परियोजनाले पहिलोपटक आनै पावरहाउसमा बत्ती बालेको हो । पावरहाउसका टनेल इञ्चार्ज मीन पोख्रेलका अनुसार विद्युतको सम्पूर्ण काम सकिएको  र   लक्ष्य बमोजिम तोकिएकै समयमा विद्युत् उत्पादन गरेकोबताए ।  सुदूरपश्चिमको प्रसिद्ध देवता सालमुनिको नामबाट निर्माण गरिएको उक्त परियोजनाको ठेक्का सनमानदेवी हाइड्रोपावर तथा स्वयम्भू कन्ट्रक्सनले लिएका हुन् । सो विद्युतलाई राष्ट्रिय प्रसारण लाइनमा जोडिने भएको छ । दुवै कम्पनी र नेपाल सरकारबीच भएको सम्झौताअनुसार ३० वर्षसम्म यहाँको विद्युत बिक्रीबाट आएको रकम निर्माण कम्पनीले नै लिने भएको छ । विपीनगरमा विद्युत निर्माण भएर विद्युत उत्पादन भएपछि  स्थानीयबासीमा खुशी छाएको छ ।