बैशाख देखि भेरी–बबई डाइभर्सन आयोजनाको “ब्रेक थ्रु”

प्रकाशित मिति : Fri-13-Dec-2075
- Admin

सुर्खेत, चैत । आगामी बैशाख देखि भेरी–बबई डाइभर्सन आयोजनाको सुरुङ ब्रेक थ्रु गर्ने भएको छ । निर्माणकार्य अन्तिम चरणमा पुगेको उक्त आयोजनाको बैशाख देखि ब्रेक थ्रु को कार्य सुरु गर्ने आयोजनाका निर्देशक सञ्जीव बरालले जानकारी दिए ।

निर्देशक बरालका अब करिब ४ सय ५० मिटर सुरुङ खन्न बाँकी रहेको छ अगामी २० देखि २५ दिनभित्रै सुरुङको ‘ब्रेक थ्रु गर्न सकिने बताए । आयोजना सम्पन्न भएसँगै बाँके र बर्दियाको ५१ हजार हेक्टर जमिनमा बाह्रै महिना सिँचाइ सुविधा पु¥याउन सकिने आयोजनाको लक्ष्य रहेको छ । चिनियाँ कम्पनी चाइना ओभरसिज इन्जिनियरिङ गु्रप लिमिटेड (कोभेक) ले निर्माणको जिम्मा पाएको थियो ।

आयोजनामार्फत हात्तीखाल आसपासका क्षेत्रमा सिँचाइ, ग्रामीण विद्युतीकरण र ग्रामीण सडक सुधारको काम पनि गरिएको छ । आयोजना निर्देशक बरालका अनुसार आयोजनाको सुरुङ खन्ने काम अन्तिम चरणमा पुगेसँगै विद्युतगृह निर्माणको काम पनि थालिएको बताए । त्यसका लागि आयोजनाले सूचना प्रकाशित गरी बोलपत्र आह्वान गरिएको पनि उनले जानकारी दिए ।