कापडीगाड आयोजनाको ९९ प्रतिशत काम पुरा

प्रकाशित मिति : Sat-07-Dec-2075
- Admin

धनगढी, चैत । ३.३३ मेगावाट क्षमताको कापडीगाड जलविद्युत आयोजनाको ९९ प्रतिशत काम पुरा भएको छ । २०७२ सालदेखि डोटीको वीपीनगरमा निर्माणाधिन उक्त आयोजनाको ९९ प्रतिशत काम सम्पन्न भएको हो ।

आयोजनाका सहायक इन्चार्ज सरोज घिमिरेले मुहान, कुलो, सुरुङ सिभिललगायतका काम सकिएको बताए । उनका अनुसार ड्राइ टेस्ट र वेस्ट टेस्ट गर्ने काम भइरहेको र अब १ महिनाभित्र बिजुली बल्ने जानकारी दिए । विद्युतगृहमा चाहिने मुख्य उपकरण जडान भईसकेको उनले बताए । आयोजना सालमनी देवी हाइड्रोपावर लिमिटेडमार्फत निर्माण भइरहेको छ । ५५ करोडको अनुमानित बजेटमा तोकिएकोमा ७० करोडभन्दा माथि खर्च भइसकेको छ । लागत रकम थप बढ्न सक्ने अनुमान गरिएको छ ।

जलविद्युत् आयोजनाबाट उत्पादित विद्युत डोटी जिल्लाका सम्पूर्ण घरधुरी र प्रसारणलाइनसँग जोडिएमा सम्पूर्ण पहाडी जिल्ला, कैलाली, कञ्चनपुर जिल्लालाई समेत पुग्नेछ । आयोजनाले सहजपुर–अत्तरिया प्रसारण लाइनसँग जोडेर वितरण गर्नेछ । कैलाली स्याउले फास्ट ट्रयाकबाट पनि प्रसारण लाइनसँग जोडिनेछ । जलविद्युत् आयोजना कम्पनीले उत्पादन सुरु गरेपछि वीपीनगरमा रहेको सबस्टेस्नमा जोडेर प्रसारण लाइनसम्म पु¥याउने लक्ष्य रहेको कापडीगाड जलविद्युत् आयोजनाका सहायक व्यवस्थापक पुष्कर भट्टराईले बताए । सालमनी देवी हाइड्रोपावरले आ˚्नै निजी लगानीमा उत्पादन गर्न लागेको उक्त आयोजना विद्युत प्रसारण लाइनमा जोडिएपछि डोटीका स्थानीय जनताबाट शेयर लगानीका लागि आह्वान गरिने व्यवस्थापक भट्टराईले जानकारी दिए । कम्पनीले स्थानीय जनतालाई १० प्रतिशत शेयर लगानी गर्ने प्रावधान बनाएको छ भने, स्थानीय कर्मचारी शेयर २.५ खुल्ला गरिनेछ । कर्मचारीले आफ्नो स्वइच्छाले शेयर लगानी गर्न सक्नेछन् । कम्पनीले ८७.५ शेयर लगानी गर्नेछ ।