विद्युतीय दुर्घटना न्यूनिकरण गर्न नाङ्गो तार विस्थापन

प्रकाशित मिति : Sat-07-Dec-2075
- Admin

बागलुङ, चैत । बागलुङ बजार क्षेत्रमा विद्युतीय दुर्घटना न्यूनीकरण गर्नका लागि नाङ्गो तार विस्थापन गर्ने काम अन्तिम चरणमा पुगेको छ । बजार क्षेत्र भित्रका सात किलोमिटर नाङ्गो तारलाई विस्थापन गर्न नेपाल विद्युत् प्राधिकरणले कालो प्लााष्टिक जडित नयाँ तार जडानको काम गरिरहेको छ ।

नेपाल विद्युत प्राधिकरण वितरण केन्द्र बागलुङका प्रमुख कपिलराज पाण्डेले नाङ्गो तारका कारण बजार क्षेत्रमा पटक पटक विद्युतीय दुर्घटना हुने गरेकाले त्यसको अन्त्यका लागि प्लास्टिक जडित (इन्सुलिटेड केबुल) तार

प्रयोग गरिएको बताए । यसले नयाँ तारबाट वितरण हुने विद्युत चुहावटको समस्यासमेत धेरै कम हुनेछ र बजारभित्रको वितरण लाइनको नाङ्गो तार सबै विस्थापन गरिने उनले बताए ।

नेपाल विद्युत प्राधिकरणको वार्षिक कार्यक्रम अनुसार नै बागलुङ बजारमा खतरामुक्त तार जडानको काम भइरहेको पाण्डेले जानकारी दिए । केन्द्र प्रमुख पाण्डेका अनुसार अहिले बागलुङ नगरपालिका–वडा नं १, २ र ३ को बजार क्षेत्रको भागमा विस्तार भएको प्रसारण लाइनको तार व्यवस्थापनको काम अन्तिम चरणमा पुगेको बताए । प्लाष्टिकले बेरिएको तार भएका कारण विद्युत चुहावट हट्ने र हावाहुरी लाग्दा, पोल ढल्दा कुनै विद्युतीय दुर्घटनाको सम्भावना नहुने उनले बताए ।