पूर्वी चितवन विद्युत व्यवसायी सङ्घको अध्यक्षमा भुवन चौधरी निर्वाचित

प्रकाशित मिति : बिही, पौष ११, २०८१
- विद्युत संसार संवाददाता

चितवन, ११ पुस । पूर्वी चितवन विद्युत व्यवसायी सङ्घले नयाँ कार्यसमिति पाएको छ ।

पुस ८ गते चितवनमा सम्पन्न सङ्घको तेस्रो वार्षिक साधारण सभा तथा दोस्रो अधिवेशनले भुवन चौधरी को नेतृत्वमा नयाँ कार्यसमिति चयन गरेको हो ।

अध्यक्षमा चौधरी सँगै प्रथम उपाध्यक्षमा उद्धव गौतम, द्वितीय उपाध्यक्षमा अमृत मिश्र, सचिवमा, राजकुमार न्यौपाने, कोषाध्यक्षमा रामनाथ चौधरी र सह सचिवमा रामकृष्ण उप्रेती निर्वाचित हुनुभएको छ भने कार्यसमिति सदस्यमा कृष्णप्रसाद न्यौपाने, राजाराम खरेल, रूपनारायण चौधरी, नन्दकुमार चौधरी, गणेश नगरकोटी र किशोर सिङ्खडा निर्वाचित हुनुभएको छ ।

सङ्घले आफ्नो स्थापनाकाल देखि नै विभिन्न सामाजिक कार्यमा अग्रसर हुँदै आएको छ भने विद्युतीय व्यवसायमा आवद्ध सदस्य एवम् व्यवसायीहरूको हक हितको निमित्त अभिभावकीय भूमिका निर्वाह गर्दै आएको छ ।