कर सम्बन्धित तालिम एवं Business Motivational प्रशिक्षण कार्यक्रम आयोजना

प्रकाशित मिति : बिही, मंसिर १३, २०८१
- विद्युत संसार संवाददाता

काठमाडौँ, १३ मंसिर । काठमाडौँ विद्युतीय व्यवसायी सङ्घले कर सम्बन्धित तालिम एवं Business Motivational प्रशिक्षण कार्यक्रम आयोजना गरेको छ ।

सङ्घले उद्यमी एवम् व्यापारी व्यवसायीहरूका लागि करको दर, आयकर सम्बन्धी नीतिगत कुराहरू जानकारी गराउने उद्देश्यले आगामी १५ गते शनिबार स्वीट ब्याङ्क्वेट चावहिलमा सो कार्यक्रमको आयोजना गरिएको सङ्घका सचिव श्रीलाल श्रेष्ठले जानकारी दिनुभयो ।

सङ्घले एक सूचना प्रकाशित गर्दै सङ्घमा आबद्ध उद्यमी एवम् व्यापारी व्यवसायीहरूका लागि करको दर, आयकर सम्बन्धी नीतिगत कुराहरू तथा मूल्य अभिवृद्धि कर एवं व्यापार व्यवसाय शुद्धिकरण सम्बन्धी विषय बस्तु समेटी आन्तरिक राजस्व कार्यालयका सम्बन्धित विज्ञहरुबाट प्रशिक्षण गराइने भएकोले सम्पूर्ण उद्यमी एवम् व्यापारी व्यवसायीहरूलाई सहभागी हुन सङ्घले आवहन गरेको छ ।