नेपालमा लोडसेडिङको अन्त्य एमाले नेतृत्वको सरकारले गरेको हो: महासचिव पोखरेल

प्रकाशित मिति : शुक्र, मंसिर ७, २०८१
- विद्युत संसार संवाददाता

काठमाडौं, ७ कात्तिक । नेकपा एमालेका महासचिव शंकर पोखरेलले नेपालमा लोडसेडिङको अन्त्य नेकपा एमालेका अध्यक्ष केपी शर्मा ओलीको नेतृत्वको सरकारले गरेको दाबी गर्नुभएको छ ।

पार्टीले शुक्रबार काठमाडौंमा आयोजना गरेको जागरण सभामा सम्बोधन गर्दै महासचिव पोखरेलले नेपालमा दैनिक १८ घण्टा लोडसेडिङ केपी ओली प्रधानमन्त्री भएपछि नेपालको जलस्रोतमा देखिएका समस्या समाधान गरेर लोडसेडिङको अन्त्य भएको तर अहिले लोडसेडिङ अन्त्यको जस अरूले लिएको गुनासो गर्नुभयो ।

नेपालको जलस्रोतमा देखिएका समस्या समाधान गरेर आधारभूत लोडसेडिङ एक वर्षभित्र हल गर्ने योजना तयार गर्ने प्रधानमन्त्रीका रूपमा केपी शर्मा ओली रहनुभयो,’ उहाँले भन्नुभयो ‘अध्यक्ष ओलीको त्यही योजनाको परिणामस्वरुप हामीले भारतबाट अन्तरदेशीय ट्रान्समिसन लाइन निर्माण गरेर, विद्युत आयात गरेर नेपाललाई अँध्यारो समयबाट उज्यालो युगतर्फ फर्काउने कामको नेतृत्व गर्‍यौं, ।’

बिडम्बनाको कुरा काम एउटाले गरेर लोडसेडिङको अन्त्य भएपनि अहिले जस अर्कोलाई दिने हाम्रो समाजको परम्परा बन्न पुगेको छ ।’ महासचिव पोखरेललेको भनाई थियो ।