काठमाडौँ, २६ कात्तिक । नेपाल विद्युतीय व्यवसायी महासंघको आयोजनामा हुने ४ दिने इलेक्ट्रीक तथा इलेक्ट्रोनिक्स् सामग्रीहरुको अन्तराष्ट्रिय स्तरको बृहत प्रदर्शनी एवं गोष्टीको एघारौं संस्करणको तयारी पुरा भएको छ । 

 

ट्रान्सवेल ट्रान्सफर्मरद्धारा प्रायोजित फिन इलेक्ट्रो टेक २०२४ यही २०८१ कात्तिक २९ देखि मंसिर २ गतेसम्म काठमाडौंको भृकुटीमण्डप स्थित प्रर्दशनीहलमा आयोजना हुन गईरहेको छ । सो कार्यक्रमको सम्पूर्ण तयारी पुरा भएको महासङ्घले आज होटल होलिडे ईन एक्सप्रेस, टंगालमार्गमा पत्रकार सम्मेलन गर्दै जानकारी दिएको हो । 

 

विद्युत जस्तो संवेदनशील क्षेत्रमा व्यवसाय गर्ने विद्युत व्यवसायीहरुको यस संस्थाले सदैब आफ्ना सदस्य मार्फत सुरक्षालाई ध्यानमा राखेर नवीनतम र गुणस्तरीय सामग्री बिक्री वितरणमा अविभावकत्व गर्दै आएकोले आम उपभोक्तालाई पनि नवीनतम र गुणस्तरीय सामग्री प्रयोगमा जनचेतना जगाउने उद्देश्यका साथ यस वर्ष “प्रविधिको नयाँ आयाम, विद्युतीय सामग्रीमा सुरक्षा र गुणस्तर कायम” को नारा लिएर “फिन इलेक्ट्रो टेक २०२४” को आयोजना भएको महासङ्घका अध्यक्ष रेशम प्रसाद देवकोटाले बताउनु भयो । 

 

राष्ट्रिय एवं अन्तर्राष्ट्रिय इलेक्ट्रिक, इलेक्ट्रोनिक्स, सञ्चार एवं सूचना प्रविधि तथा विद्युतीय एवं वैकल्पिक उर्जा उद्यमीहरूलाई एकै स्थानमा जमघट गराई व्यवसायिक प्रवर्धन गर्नुको साथै यी उद्योगमा भएका नविनतम् उपलब्धीहरू बारे सूचना आदानप्रदान गर्ने तथा उपभोक्ता वर्गमा उर्जाको व्यवस्थित खपतको महत्त्वबारे जानकारी अद्यावधिक गराउन सहयोग पुर्‍याउने लक्ष्य यस संस्करणको रहेको छ । 

मेलामा उद्योगी, व्यवसायी एंव उद्यमीहरू माझ अनुकुल व्यवसायिक वातावरणको सम्भावनालाई प्रस्तुत गर्नुको साथै उपभोक्ता हकहित सम्बन्धी जन चेतनामूलक कार्यक्रमहरू प्रदर्शनी अवधि भरी सञ्चालन गरिने छ । ट्रान्सवेल ट्रान्सर्फमरद्वारा प्रायोजित “फिन इलेक्ट्रो टेक २०२४” को हल भित्र ४४ वटा ब्लकहरु, २८ स्टलहरु रहेको एक प्याभिलिएन रहेको छ र हल बाहीर डोममा २६ वटा स्टलहरू रहेका छन । यस पटक फिन इलेक्ट्रो टेक २०२४ मा Government of India, Ministry of Commerce and Industry, DEPARTMENT OF COMMERCE को सहयोगमा Indian Chamber of Commerce ले हल भित्रको २८ स्टलहरू रहेको प्याभिलियनमा इन्डिया पावर शो (India Power Show) को लागि इन्डियन उद्योगी एवं व्यवसायीहरूले बुकिङ गरेका छन । 

 

फिन इलेक्ट्रो टेक २०२४ मा हल भित्र र हल बाहीर गरि जम्मा ९८ वटा प्याभिलियन तथा स्टलहरु रहेका छन जसमा नेपाली उत्पादन लगायत बहुराष्ट्रिय कम्पनीहरुको उत्पादनहरु, ट्रान्समिसन तथा डिष्ट्रिव्यूसन सामाग्री, उर्जा आपूर्ति तथा नियन्त्रण यन्त्र, हाउस वायरिङ्ग सामाग्री, वायर, केबुल एवं कण्डक्टर, अत्याधुनीक प्रकारका स्वीचहरु, एलिडी लाइटिङ्ग, इलेक्ट्रोनिक्स उपकरण, घरेलु विद्युतीय उपकरणहरू, कार्यालय प्रविधि, बहुसञ्चार उपकरण, सूचना प्रविधि, वैकल्पिक उर्जा तथा अन्य विद्युतीय सामग्रीको प्रदर्शन गरिनेछ । प्रदर्शनीमा अधिकांश सहभागी संस्थाहरूले उपभोक्ताहरूसंग प्रत्यक्ष अन्तर्क्रिररया गरी आफ्ना उत्पादनहरू बारे जानकारी दिनेछन भने अवलोकन कर्ताको सहजता तथा खरिद गर्न रुचाउने आगन्तुकहरुका लागि छुट्टै सेल्स एरियाको व्यवस्था गरिएको महासंले जनाएको छ । 

 

 

मेलामा स्वदेशी उत्पादन लगायत भारत, चिन, जापान, ताइवान, फ्रान्स, स्पेन, मलेसिया, जर्मनी, इटाली, अष्ट्रेलिया आदिका विभिन्न इलेक्ट्रिक तथा इलेक्ट्रोनिक्स सम्बन्धी उत्पादनहरु प्रदर्शनमा रहेको इलेक्ट्रो टेकको एघारौँ संस्करणमा ट्रान्सवेल्ड, प्रिमियर, अर्किड, जानकी, सि एण्ड एस, लिशा, टिन्ज, स्विफट गोल्ड, केइआई, जनता, एच.पि.एल., फिलिप्स, हेभल्स, सिमेन्स, उषा, एंकर, ओरियन्ट, चिन्ट, हिमस्टार, अल्मीक, लिब्राईट, एरिगोल्ड, इण्डोटेक, गोल्डम्यान लगाएतका स्वदेशी तथा विदेशी ब्राण्डहरूको सहभागिता रहने छ । 

 

प्रदर्शनीलाई सहभागीमुलक एवं सुचनामुलक बनाउनका लागि विभिन्न विषयमा गोष्ठी, कार्यपत्र प्रस्तुती तथा अन्तर्क्रिररया कार्यक्रमहरू सञ्चालन हुने छन । चार दिनसम्म चल्ने प्रर्दशनीमा देश भित्र तथा बाहिरबाट आमन्त्रित अतिथि, उद्योगी व्यवसायी, सरकारका उच्च अधिकारी, आर्किटेक्चर, इलेक्ट्रीकल इन्जीनियर, इन्टेरियर डेकोरेटर, प्राविधिककर्मी, नेपाल भरका विद्युतीय व्यवसायीहरु, मिडियाकर्मी, विद्यार्थी एवं आम सर्व साधारण गरी ५०,००० भन्दा बढी आगन्तुकहरूले अवलोकन गर्ने विश्वास महासङ्घले लिएको छ । 

 

कार्यक्रमबारे जानकारी दिन गरिएको प्रत्रकार सम्मेलनमा यस संस्करणमा टाइटल स्पोन्सर ट्रान्सवेल्ड नेपाल प्रा. लि.का प्रबर्दन निर्देशक अमुल श्रेष्ठले मन्तव्य राख्नु हुदै ट्रान्सवेल्ड नेपालले महासंघद्धारा आयोजित “फिन इलेक्ट्रो टेक २०२४मा टाइटल स्पोन्सर गर्न पाउँदा कम्पनी उत्साहित भएको बताउनु भयो । ट्रान्सवेल्ड नेपालले विगत ३० वर्ष देखि ट्रान्सफर्मर उत्पादन गर्दै आएको जानकारी दिनुभयो । उहाँले मेलामा उपभोक्ताले प्रत्यक्ष अवलोकन गर्नुका साथै आफ्नो कम्पनीको उत्पादित सामग्रीहरूको बारेमा जानकारी लिन सहज हुने भएकाले मेलाको महत्व अझ बढ्ने उहाँको भनाई थियो । 

 

कार्यक्रममा महासङ्घका निर्वातमान अध्यक्ष सुर्दशन प्रसाद पौड्यालले मेलाले इलेक्ट्रिक क्षेत्रमा आवद्ध सामग्री उत्पादन गर्ने कम्पनी र उपभोक्तालाई एकै ठाउँमा जोड्न सहज गराउने बताउनु भयो । उहाँले चार दिने प्रर्दशनीमासुचना प्राविधि र गुणस्तरलाई विशेष महत्व दिएको जानकारी दिनुभयो । 

 

प्रत्येक दुई वर्षमा अयोजना हुने इलेक्ट्रो टेकको यस संस्करणमा टाइटल स्पोन्सरमा ट्रान्सवेल्ड ट्रान्सर्फमर (ट्रान्सवेल्ड नेपाल प्रा. लि.) रहेको छ भने प्लेटिनम स्पोन्सरमा प्रिमियर वायर्स (प्रिमियर वायर्स प्रा. लि.) रहेको छ । यसै गरी डायमण्ड स्पोन्सरमा अर्किड इलेक्ट्रिकल (अर्किड इलेक्ट्रिकल्स प्रा. लि.) र जानकी केबल (जानकी केबल इन्डस्ट्री प्रा. लि.) रहेका छन । प्रदर्शनीका गोल्ड स्पोन्सरमा सि. एन एस. (प्राइम भेन्चर्स प्रा. लि.), लिशा एण्ड टिन्ज (वेलकम टेक्नोल प्रा. लि.) स्विफ्ट गोल्ड (बबिता ट्रेडर्स) र के.इ.आई. जनता (जनता केबल इन्डस्ट्रिज प्रा. लि.) रहेका छन । यसै गरी अफिसिएल बैंकमा गरिमा विकास बैंक लिमिटेड र अफिसिएल इन्स्योरेन्समा सिद्धार्थ प्रिमियर इन्स्योरेन्स लिमिटेड रहेका छन भने अफिसिएल क्यारियरमा ग्लोबल कलस लजिस्टीक रहेको छ । 

 

यसै गरी फ्लोरिङ पार्टनर हेरिटेज कार्पेट रहेको छ भने कार्डस्पोन्सरमा केइआई वायर एवं केबल (केइआइ उद्योग लिमिटेड, इण्डीया) रहेको छ । ग्लोबल एक्पोजीसनबाट व्यवस्थापन गरिएको यस प्रदर्शनीको अवलोकनका लागि भोली मंगलबार देखि सुहुलिएत दरमा डिजिटल पेमेन्ट पार्टनरमा रहेको खल्ती एप मार्फत अग्रीम प्रवेश टिकट बुकिङ्ग खुल्ला गर्न लागिएको छ । फिन इलेक्ट्रो टेक २०२४ लाई भव्यता प्रदान गर्न तथा प्रदर्शनी प्रति ऐक्यवद्धता जनाउन Strategic Support को रुपमा नेपाल विद्युत प्राधिकरणको सहभागिता रहेको छ भने सहयोगी संस्थामा नेपाल उद्योग वाणिज्य महासंघ, नेपाल चेम्बर अफ कमर्श, स्वतन्त्र ऊर्जा उत्पादकहरुको संस्था (इपान), नेपाल इञ्जिनियर्स एशोशियसन, सौर्य ऊर्जा उत्पादक संघ नेपाल, सोसाइटी अफ कन्सल्टिङ्ग, आर्किटेक्चरर एण्ड इञ्जिनियरिङ फर्म, लघु जल विद्युत उत्पादक संघ नेपाल, सोसाइटी अफ इलेक्ट्रीकल इञ्जिनियर्स नेपाल, नेपाल विद्युतीय सामाग्री उत्पादक संघ (निमा), नेपाल इलेक्ट्रीकल कन्ट्राक्टर एशोशियसन र सोसाईटी अफ नेप्लिज आर्किटेक्टस लगायत सरोकारवाला संस्थाहरूको सहयोगी संस्थाको रुपमा यस आयोजनामा सहभागिता रहने महासङ्घको भनाई छ ।