फीन ईलेक्ट्रो–टेक २०२४ को मुख्यप्रायोजकमा ट्रान्सवेल्ड नेपाल

प्रकाशित मिति : मंगल, असोज १, २०८१
- विद्युत संसार संवाददाता

काठमाडौँ, १ असोज । नेपाल विद्युतीय व्यवसायी महासङ्घ (फीन)ले आयोजना गर्ने ११ औं संस्करणको फीन ईलेक्ट्रो–टेक२०२४को मुख्यप्रायोजक ट्रान्सवेल्ड नेपाल प्रा.लि.ले गर्ने भएको छ ।

महासङ्घले हरेक दुई वर्षमा आयोजना गर्ने फीन ईलेक्ट्रो–टेक २०२४ कार्तिक २९ देखि मंसिर २ गते सम्म काठमाडौंको भृकुटीमण्डपमा प्रर्दशनीहलमा सञ्चालन हुने महासङ्घले जनाएको छ ।

कम्पनीले २५ केभिए देखि ५ हजार केभिएसम्मका ट्रान्सफर्मर नेपालमा नै उत्पादन गर्ने गरेको छ । नेपालमा उत्पादन भएको ट्रान्सवेल्ड ट्रान्सफर्मर बाहिरी मुलुकमा समेत निर्यात गर्ने कम्पनीको उद्देश्य रहेको कम्पनीका प्रबन्धक निर्देशक अमुल श्रेष्ठले बताउनुभयो ।

कम्पनीले हाल सम्म १२ हजार भन्दा बढी ट्रान्सफर्मर उत्पादन गरिसकेको कम्पनीका प्रबन्धक निर्देशक श्रेष्ठको दावी रहेको छ । कम्पनीले यसै साता नेपाल गुणस्तर चिन्ह (एनएस) समेत प्राप्त गरेको श्रेष्ठले बताउनुभयो ।

महासङ्घको अनुसार फीन ईलेक्ट्रो–टेक २०२४को प्रदर्शनीमा उपभोक्ताले आधुनिक र प्रविधियुक्त विद्युतीय उपकरण एकै ठाउँमा अवलोकन गर्न पाउने महासङ्घको दावी छ ।