नेपालगञ्ज इलेक्ट्रिकल एसोसिएसनको नेतृत्वमा दामोदर सापकोटा निर्विरोध निर्वाचित

प्रकाशित मिति : आइत, भदौ ३०, २०८१
- विद्युत संसार संवाददाता

नेपालगन्ज, ३० भदौ । नेपालगन्ज इलेक्ट्रिकल एसोसिएसनको नवौँ एवं दशैं वार्षिक साधारण सभा तथा पाँचौँ अधिवेशन सम्पन्न भएको छ ।

हिजो भाद्र २९ गते शनिबार सुर्खेत रोड नेपालगञ्ज बाँकेमा सम्पन्न भएको साधारण सभा एवं अधिवेशनले नयाँ कार्यसमिति चयन गरेको छ । नवौँ एवं दशैं वार्षिक साधारण सभा तथा पाँचौँ अधिवेशनले एसोसिएसनको नेतृत्वमा व्यवसायी दामोदर सापकोटा निर्विरोध निर्वाचित हुनुभएको छ ।

अध्यक्षमा सापकोटासँगै उपाध्यक्षमा शिवराज वर्मा, सचिवमा अशोकबाबु दाहाल, कोषाध्यक्षमा महवुव अहमद कुरैसी, सह–सचिवमा बुद्धि बहादुर ओली निर्विरोध निर्वाचित हुनुभएको छ ।

साथै कार्यसमिति सदस्यहरूमा सुरेन्द्र कुँवर, राम कुमार प्रसाईँ, अब्दुल वाहिद अन्सारी, मदनलाल जैसी, राम समुज तेली, अङ्कित अग्रवाल, विकास भट्टराई, परशुराम साहु, नविन घिमिरे र रविन्द्र गिरी निर्विरोध निर्वाचित हुनुभएको छ ।

विद्युतीय व्यवसायीहरूको संस्था नेपालगन्ज इलेक्ट्रिकल एसोसिएसनले आफ्नो स्थापनाकाल देखि नै व्यवसायीहरूको हकहितको लागि आवाज उठाउँदै आएको छ भने विभिन्न सामाजिक कार्य पनि सक्रिय रुपमा सहभागिता जनाउदै आएको छ ।