काठमाडौँ, ७ भदौ । संघीय मामिला तथा सामान्य प्रशासन मन्त्रालयले आर्थिक वर्ष २०७९/८० को संस्थागत क्षमता स्वमूल्यांकनको गुणस्तर परीक्षण पश्चातको प्रतिवेदन सार्वजनिक गरेको छ । 

 

प्रतिवेदन अनुसार गोरखा जिल्लामा शहिदलखन गाउँपालिका ८४.२५ अंक सहित उत्कृष्ट भएको छ भने दोस्रोमा ८१.७५ अंकका साथ गण्डकी गाउँपालिका रहेको छ । त्यस्तै क्रमशः भीमसेन गाउँपालिका ८१.२५ अंक, पालुङ्गटार नगरपालिका ७४.५० अंक, आरुघाट गाउँपालिका ७१.०० अंक, अजिरकोट आउँपालिका ६८.००अंक धार्चे गाउँपालिका ६७.०० अंक, सिरानचोक आउँपालिका ६२.५० अंक, गोरखा नगरपालिका ४८.५० र ४८.२५  अंक सहित चुमनुब्री गाउँपालिका अन्तिममा परेको छ ।    

 

मन्त्रलायले ७४९ स्थानीय तहमा गरेको मूल्याङकनमध्ये उच्चतम अंक प्राप्त गर्ने तीन–तीन वटा गाउँपालिका र नगरपालिका समेत सार्वजनिक गरेर पुरस्कृत गरिएको मन्त्रालयले जनाएको छ ।

जसअनुसार नगरपालिकातर्फ नीलकण्ठ नगरपालिका (धादिङ), तिलोत्तमा नगरपालिका (रुपन्देही) र रत्ननगर नगरपालिका (चितवन) क्रमशः प्रथम द्वितीय र तृतीय भई पुरस्कृत भए । यस्तै गाउँपलिकातर्फ धादिङको बेनिघाट गाउँपालिका प्रथम हुँदा समान अंक ल्याई गुल्मीको रुरुक्षेत्र गाउँपालिका र सिन्धुपाल्चोकको ईन्द्रवती गाउँपालिका पुरस्कृत भए । 

 

उत्कृष्ट ठहरिएका पालिकालाई बिहीबार मन्त्रालयमा प्रशंसापत्रसहित सम्मान गरिएको थियो । मन्त्रालयले स्थानीय तहको संस्थागत क्षमता स्वमूल्यांकन आर्थिक वर्ष ०७६/७७ बाट सुरु गरे पनि गुणस्तर परीक्षण प्रतिवेदन सार्वजनिक गरेको पहिलोपटक हो ।

 

गोरखा जिल्लामा कुन स्थानीय तहले कति अंक प्राप्त गरे नतिजा हेर्नुहोस्ः