संघद्धारा कर सम्बन्धि तालिम संचालन हुदैं

प्रकाशित मिति : शनि, जेठ २६, २०८१
- भीमलाल श्रेष्ठ / विद्युत संसार संवाददाता

काठमाडौं, २६ जेठ । काठमाडौं विद्युतीय व्यवसायी संघले कर सम्बन्धि तालिम संचालन हुनेभएको छ ।

काठमाडौं विद्युतीय व्यवसायी संघमा आबद्ध उद्यमी एवम् व्यापारी÷व्यावसायीहरूका लागि करको दर, आयकर सम्बन्धी नीतिगत कुराहरु तथा मूल्य अभिवृद्धि कर बिषयबस्तु समेटि आन्तरिक राजस्व कार्यालयका सम्बन्धीत विज्ञहरुबाट कार्यक्रम संचालन गरिने संघका अध्यक्ष दिवेश कुमार जैनले विद्युत संसारलाई बताउनुभयो ।

संघले आगामी जेठ २७ गते आईतबार होटल घुँइचो रेष्टूरेन्ट एण्ड बारमा सम्पन्न गरिने अन्तिम तयारी भएको छ ।

कार्यक्रममा एरिया समितिले सङ्घलाई आगामी दिनमा व्यवसायी लक्षित कसरी बनाउन सकिन्छ भन्ने विषयमा आ–आफ्नो धारणा समेत राखिने भएको छ । काठमाडौं जिल्ला संघले आफ्नो स्थापनाकाल देखि नै आफ्ना सदस्यहरूलाई लक्षित कर तालिम, स्वास्थ्य शिविर, मोटिभेसनल कार्यक्रम जस्ता कार्यक्रमहरू आयोजना गर्दै आएको छ ।