काठमाडौं, ८ माघ । जानकी केवल इण्डष्ट्रिज प्रालिले आफ्नो कर्पोरेट अफिस ताहागल्ली धरहरा टावर काठमाडौंबाट सञ्चालनमा आएकोे छ । आफ्नो कारोबार धनुषाबाट गर्दै आएको कम्पनीले आज सोमबारबाट काठमाडौं केन्द्रित आफ्नो कर्पोरेट अफिस सञ्चालनमा ल्याएको हो । 

 

नेपालमा विद्युतीय क्षेत्रमा आत्मनिर्भर रहने केवलहरु मध्ये प्रतिष्ठित ब्राण्ड जानकी केवल पनि एक हो । २०७० सालमा स्थापना भएको कम्पनीले नेपाली बजारमा आफ्नो उपभोक्ताहरुको मन जित्न सफल भएको छ ।

 

२०७० सालमा स्थापना भएको जानकी केवलले अत्याधुनिक प्रविधिमैत्री हाउस वायरिङ्ग तार, पावर केबुल,एफ.आर.एल.एस लगायत कम्पनीले पिभिसि एक्सएलपि पावार केवल, पिभिसि कन्टोल केवल, ओभरहेड ट्रान्समिसन कण्डक्टर ०१ र ०२, एलभी एविसि केवल, हाउस वायरिङ्ग केवल, फेक्जिबल केवल, कन्सन्ट्रिक केवल, कम्निकेशन केवल र अटोकेवल जस्ता प्रोड्क्टहरु उत्पादन गरी नेपाली बजारमा बिक्रि वितरण गर्दै आइरहेको कम्पनीका नेशनल सेल्स म्यानेजर राघवेन्द्र ठाकुरले जानकारी दिनुभयो ।