नौ बुँदे मागसहित निर्माण व्यवसायी आन्दोलित

प्रकाशित मिति : सोम, साउन १५, २०८०
- विद्युत संसार

मङ्गलबारे, १५ साउन । इलामका निर्माण व्यवसायी आन्दोलित भएका छन् । विभिन्न नौ बुँदे मागसहित उनीहरु आन्दोलित भएका हुन् ।

प्रदर्शनमा व्यवसायीले बीमा निर्देशिका, २०७८ खारेज गर्नुपर्ने, जुनसुकै अवधिको ठेक्काको मूल्य समायोजन गर्नुपर्ने, विभिन्न निकायमा काम गरे वापतको रकम तुरुन्त भुक्तानी गर्नुपर्ने लगायतका माग गरेका छन् ।

निर्माण कार्यमा भुक्तानी र म्याद थप लगायतका नौ बुँदे मागसहित आन्दोलित व्यवसायीले आज जिल्ला प्रशासन कार्यालय इलाममा घेराउ गरेका छन् ।

आफ्ना मागका विषयमा यसअघि सम्बन्धित पक्षलाई जानकारी गराइएको तर बेवास्ता भएपछि आन्दोलनमा उत्रिनुपरेको निर्माण व्यवसायी सङ्घका कोषाध्यक्ष सन्तोश भक्तराजले बताउनुभयो । उहाँले माग पूरा नहुन्जेलसम्म आन्दोलन गर्ने बताउनुभयो ।