संघको वनभोज कार्यक्रम हुँदै

प्रकाशित मिति : बुध, फागुन १०, २०७९
- विद्युत संसार साप्ताहिक

काठमाडौं फागुन । काठमाडौं विद्युतीय व्यवसायी संघको आयोजनामा वनभोज कार्यक्रम हुने भएको छ ।

संघले माघ १७ गते प्रकाशित गरेको एक सूचना अनुसार फागुन १३ गते शनिबार भक्तपुरको सांस्कृतिक एवं प्राकृतिक मनमोहक स्थाल नीलबाराही पिकनिक स्थलमा आयोजना हुने संघले जनाएको छ ।

हरेक वर्ष वनभोज कार्यक्रम आयोजना गर्दै आएको संघले यो वर्ष पनि निरन्तरता दिएको हो । संघले आफ्ना सदस्यहरुलाई मनोरञ्जन प्रदान गर्न सदस्यहरु बीच भेटघाट वातावरण मिलाउने उद्धेश्यले विशुद्ध पारिवारिक वातावरणमा वनभोज कार्यक्रमको आयोजना गर्न लागेको कार्यक्रमका संयोजक दिपक सिलवालले बताउनु भयो ।

कार्यक्रममा लाईभ दोहोरी लगायत विभिन्न मनोरञ्जनात्मक कार्यक्रम हुनेछ । संयोजक सिलवाल अनुसार करिव ५०० जनाको उपस्थितिमा कार्यक्रम हुने जानकारी दिनुभयो । कार्यक्रममा सहभागी हुन प्रतिव्यक्ति दुई हजार तोकिएको छ ।