वैदेशिक रोजगारीमा रहेका नेपालीहरूका लागि शुभम पावरको आइपिओ बिक्री खुल्यो

प्रकाशित मिति : बुध, पौष ६, २०७९
- विद्युत संसार संवाददाता

काठमाडौं ६ पुस । शुभम पावर कम्पनीले वैदेशिक रोजगारीमा रहेका नेपालीहरूका लागि आज (बुधबार) देखि निष्कासन तथा बिक्री खुला भएको छ ।

कम्पनीले सर्वसाधारणका लागि जारी पुँजी २० करोड रुपैयाँको २० प्रतिशत अर्थात् ४ लाख कित्ता सेयरमध्ये २० प्रतिशत अर्थात् ४ लाख कित्तामा आयोजना प्रभावित क्षेत्रका बासिन्दामा वितरण हुन नसकेको १ लाख ८० हजार ५८० कित्ता थप गरी कुल ५ लाख ८० हजार ५८० कित्ताको १० प्रतिशत अर्थात् ५८ हजार ५८ कित्ता सेयर वैदेशिक रोजगारमा रहेका नेपालीहरूका लागि निष्कासन गरेको हो ।

उक्त सेयर खरिदका लागि पुस २० गतेसम्म आवेदन दिन सकिने व्यवस्था छ । लगानीकर्ताले न्यूनतम १० कित्ता सेयरका लागि आवेदन सक्छन् भने अधिकतममा ५ हजार कित्ताका लागि आवेदन दिनु पर्नेछ । कम्पनीको सेयर निष्कासन तथा बिक्री प्रबन्धकको काम मुक्तिनाथ क्यापिटलले गर्नेछ।