भाडावृ‌द्धि खारेज नगरे सरकारले गम्भीर मूल्य चुकाउनु पर्ने चुनौती

प्रकाशित मिति : आइत, पौष ३, २०७९
- विद्युत संसार

काठमाडौं ३ पुस । नेपाल उद्योग वाणिज्य महासंघ औद्योगिक क्षेत्रभित्र भएको भाडा वृद्धि तत्काल खारेज नगरे सरकारले गम्भीर मूल्य चुकाउनु पर्ने चुनौती दिएको छ ।

महासंघले आइतबार पत्रकार सम्मेलन गर्दै नेपाल ‍औद्योगिक क्षेत्र उद्योग महासंघले ‍औद्योगिक क्षेत्रभित्र भएको भाडा वृद्धि तत्काल कार्यान्वयन नगर्न आग्रह समेत गरेको छ ।

‘उद्योगीसँग समन्वय नगरी २०७५ सालमा बढेको भाडा कार्यान्वयन गर्न पाइँदैन,’ महासंघका अध्यक्ष रामहिरा पाठकले भने, ‘हामी आन्दोलित छौं यसको अवमूल्यन गरे गम्भीर मूल्य चुकाउनु पर्छ ।’

महासंघले भाडावृद्धि औद्योगिक क्षेत्र सञ्चालन तथा व्यवस्थापन नियमावली २०७१ विपरीत भएको दावी पनि गरेको छ । भाडावृद्धि फिर्ता नभए उद्योगहरुले औद्यौगिक क्षेत्र व्यवस्थापन लिमिटेडलाई तिर्ने कुनै शुल्क नतिर्ने पनि महासंघले जनाएको छ ।