बैंकहरुको उच्च ब्याजदर तथा प्रतिकूल बैंकिङ्ग नीतिहरु विरुद्ध विरोध र्‍याली

प्रकाशित मिति : बुध, कार्तिक २३, २०७९
- विद्युत संसार संवाददाता

मोरङ्ग २३ कात्तिक । मोरङ्ग इलेक्ट्रिक संघले आज बुधबार बैंकहरुको उच्च ब्याजदर तथा प्रतिकूल बैंकिङ्ग नीतिहरु विरुद्ध विरोध र्‍यालीमा सहभागिता जनाएको छ ।

मोरङ्ग जिल्लामा रहेका विभिन्न व्यवसायिक संघ संगठनहरुले बैंकहरुको उच्च ब्याजदर तथा प्रतिकूल बैंकिङ्ग नीतिहरु विरुद्ध विराटनगर निकालिएको भव्य र्‍यालीमा संघले पनि सक्रिय सहभागीतामा जनाएको हो ।

उक्त र्‍यालीमा मोरङ्ग इलेक्ट्रिक संघले एैकेबद्धता जनाउँदै सक्रिय सहभागी भएको छ । मोरङ्ग इलेक्ट्रिक संघका अध्यक्ष शंकर प्रसाद पोखरेलको नेतृत्वमा संघमा आवद्ध अधिकांश सदस्यहरूको सहभागिता रहेको संघका प्रथम उपाध्यक्ष राजेश अग्रवालले जनाकारी दिनुभयो ।

मोरङ्ग व्यापार संघबाट सुरु भएको र्‍याली विराटनगर बजारको परिक्रमा गरि नेपाल राष्ट्र बैंक मार्फत गभर्नरलाई र जिल्ला प्रशासन कार्यालय मार्फत अर्थमन्त्री र प्रधानमन्त्रीलाई ज्ञापन पत्र बुझाएको उपाध्यक्ष अग्रवाल बताउनुभयो ।