गौतम बुद्ध अन्तर्राष्ट्रिय विमानस्थलको प्रधानमन्त्री देउवाद्धारा औपचारिक उद्घाटन

प्रकाशित मिति : सोम, जेठ २, २०७९
- विद्युत संसार

काठमाडौँ, २ जेठ । सोमबार बिहान प्रधानमन्त्री शेरबहादुर देउवाले रुपन्देहीको भैरहवास्थित विमानस्थलको औपचारिक उद्घाटन गरेका छन्। यससँगै नेपालमा दोस्रो अन्तर्राष्ट्रिय विमानस्थलबाट व्यवसायिक उडान प्रारम्भ भएको छ ।

आज बिहानै नेपाल वायुसेवा निगमको न्यारोबडी जहाज र कुबेतबाट आएको जजिरा एयरबेजको जहाज विमानस्थलमा अवतरण गरेका थिए ।

नेपाल वायु सेवा निगमको पहिलो जहाज आज बिहान ६ बजेर ५५ मिनेटमा र जजिराको जहाज ७ बजेर ८ मिनेटमा अवतरण गरेका हुन् ।

नेपालको हवाइ इतिहासमा ७४ वर्षपछि दोस्रो अन्तर्राष्ट्रिय विमानस्थल सञ्चालन भएको हो ।