विद्युत नियमन आयोगमा अध्यक्ष र तीन सदस्यका लागि दरखास्त आह्वान

प्रकाशित मिति : सोम, फागुन २३, २०७८
- विद्युत संसार संवाददाता

काठमाडौँ २३ फागुन । सरकारले विद्युत नियमन आयोगको अध्यक्ष र तीन सदस्य (एक महिलासहित)का लागि दरखास्त आह्वान गरेको छ ।

ऊर्जा, जलस्रोत तथा सिंचाइ मन्त्रालय, सिफारिस समितिले सोमबार सार्वजनिक सूचना जारी गरेर र तीन सदस्य (एक महिलासहित)का लागि दरखास्त माग गरेको हो ।

आवेदन परेकामध्ये कार्ययोजनाको मूल्यांकनका आधारमा संक्षिप्त सूचीमा परेका बढीमा पाँच जनालाई कार्ययोजना प्रस्तुतिका लागि बोलाइने छ । इच्छुक र योग्य उम्मेदवारले सूचना प्रकाशित भएको १५ दिनभित्र आवेदन दिन सक्नेछन् ।

यसअघिका अध्यक्ष डिल्लीबहादुर सिंहलगायतले तोकिएको काम नगरेको पाइएपछि सरकारले छानविन समिति गठन गरी बर्खास्त गरेको थियो । विद्युत् तथा ऊर्जा क्षेत्रको काम कारवाहीको नियमनका लागि सरकारले आयोग स्थापना गरेको हो ।

सूचना हेर्नुहोस् ।