रानी जमरा कुलरिया सिँचाइ आयोजनाको विद्युत हाइड्रोपावरमा मेसिनरी जडान हुदै

प्रकाशित मिति : बुध, फागुन ११, २०७८
- विद्युत संसार संवाददाता

भजनी ११ फागुन । राष्ट्रिय गौरवको आयोजना रानी जमरा कुलरिया सिँचाइ आयोजना अन्तर्गत निर्माण भइरहेको विद्युत हाइड्रोपावरमा मेसिनरी सामान जडान भइरहेको छ। चालू आर्थिक वर्षको असारसम्म विद्युत् उत्पादन गर्ने तयारीका साथ काम हुँदै आएको छ ।

सिँचाइ आयोजनाले पूर्वी कैलालीको टिकापुर, लम्कीचुहा र जानकी गाँउपालिका क्षेत्रका किसानलाई आत्मनिर्भर बनाउन कृषि कार्यक्रम सञ्चालन गरिरहेको हो ।

राष्ट्रिय गौरवको सो आयोजनाले किसानलाई आत्मनिर्भर बनाउनका लागि कृषि यान्त्रिकीकरणमा जोड दिन थालेका छन् । कृषिकार्यमा सहजता तथा कृषि उत्पादकत्वमा वृद्धि हुने भएकाले किसानले पछिल्लो समयमा कृषियन्त्रको प्रयोग बढाउँदै जाँदा मागसमेत बढ्दै गएको छ ।

यस आयोजनाको निर्माण आर्थिक वर्ष २०६५/६६ बाट सुरू भएको हो । यो आयोजना विश्व बैंकको अनुदान, नेपाल सरकारको संयुक्त लगानी र जनश्रमदानमा निर्माण भइरहेको छ । सिँचाइ आयोजना निर्माण सम्पन्न भएपछि यस क्षेत्रको करिब ३८ हजार हेक्टर भू–भागमा सिँचाइ सुविधा पुग्नेछ ।

तस्विर : रासस