सरकारले बढायो पेट्रोल/डिजलको मूल्य, अब पेट्रोल १४२ रुपैयाँ कायम

प्रकाशित मिति : बुध, माघ १९, २०७८
- विद्युत संसार संवाददाता

काठमाडौं १९ माघ, । सरकारले फेरि पेट्रोलियम पदार्थको मूल्य बढाएको छ । मंगलबार राति १२ बजेदेखि लागू हुनेगरी पेट्रोल र डिजल/मट्टीतेल प्रतिलिटर रु.३ ले वृद्धि गरिएको नेपाल आयल निगमले जनाएको छ ।

हिजो मंगलबार निगमले एक विज्ञप्ती जारी गर्दै पेट्रोल १४२ र डिजल/मट्टीतेलको मूल्य प्रतिलिटर १२५ रुपैयाँ कायम भएको जनाएको छ ।

यस्तै निगमले हवाई इन्धन आन्तरिकतर्फ प्रतिलिटर १० रूपैयाँ र अन्तर्राष्ट्रियतर्फ प्रतिकिलोलिटर १०० अमेरिकी डलर बढाइएको जनाएको छ। ग्यासको मूल्य भने यथावत राखेको निगमले जनाएको छ। यति हुँदा समेत प्रति महिना ४।५ अर्ब देखि ५ अर्ब ऋढ लिनुपर्ने बाध्यात्मक अवस्था बनेको निगमले जनाएको छ ।

एलपी ग्याँसको नयाँ खरीद मूल्य प्रति सिलिण्डर ८१.६२ रुपैयाँले घटेर आए पनि अझै निगमलाई प्रतिसिलिण्डर ५६०.०९ रुपैयाँ घाटा रहेको हुँदा समेत बिक्री मूल्य नबढाई यथावत् नै राखिएको निगमले जनाएको छ ।

निगमले बढाएको मूल्य वृद्धिको यातायात व्यवसायी लगायत विद्यार्थी संगठनहरुले विरोध जनाएका छन् ।