सुर्खेत, माघ । सुर्खेतको भेरीगंगा नगरपालिका–६ र ७ मा पहिलो पटक विद्युत सेवा पुगेको  छ ।

 

भेरीगंगा नगरपालिका–६ र ७ का लेखझिङ्नी, ठूलाखाली, कैनपानी, सामाखोरीया, सिर्जनाटोलका घरहरूमा सामुदायिक विद्युतीकरण विभाग र भेरीगंगा नगरपालिकाको संयुक्त लगानीमा राष्ट्रिय प्रसारण लाइनमार्फत् विद्युत पुगेको हो ।

 

उक्त वडामा पुस २२ गतेदेखि राष्ट्रिय प्रसारण लाइन पुगेको छ । हाल कर्णाली प्रदेशको राजधानी वीरेन्द्रनगरमा राष्ट्रिय प्रसारण लाइन पुग्नुअघि नै भेरीगंगामा सुचारु भएको भए पनि नजिकका गाउँहरूमा विद्युत सेवा पुगेको थिएन । पछिल्लो समय संघीय संरचना अनुसारको अधिकार र केन्द्र सरकारको सहयोगमा विकट गाउँहरूमा पनि विद्युतीकरण गर्न सकिएको भेरीगंगा नगरपालिकाका उपमेयर रेणु ढकालले बताइन् । उनले गाउँमा विद्युत सेवा पुगेपछि खुसी व्यक्त गर्दै अब कुटानी पिसानीका लागि निकै नै सहज हुने उनको भनाई छ । यस भन्दा पहिले ‘कुट्न–पिस्न निकै समस्या हुन्थ्यो, तर अब त्यो समस्याबाट मुक्त हुनेभएको छ, ‘सडक पनि ग्राभेल भइसकेको छ, स्थानीयहरुले भने यो हाम्रो लागि निक महत्वपूर्ण सेवा सुचारू भएकोमा खुसी व्यक्त गरे । 

 

स्थानीय र नगरपालिकाको पहलमा गाउँमा पुगेको विद्युतलाई नियमितता दिन र दीगोपना कायम गर्न स्थानीयले भूमिका खेल्ने उपमेयर ढकालले बताए ।

हाम्रो घरभन्दा तलका गाउँमा बिजुली बलेको देख्दा हामी पनि कहिले यसरी बाल्न पाउँला भनेर सोच्थ्यौं, अब हाम्रो सपना साकार भएको स्थानीयहरुले बताएका छन् । नगरपालिकाका उपमेयर ढकालका अनुसार विद्युतको सेवा नपुगेका नगरभित्रका १, २, ३ ५ र ७ का बस्तीहरूमा सामुदायिक विद्युतीकरण विभागसँग समन्वय गरी विद्युत सेवा पु¥याउने काम भइरहेको छ । हालसम्म अधिकांशमा विद्युत सेवा पुगिसकेको र बाँकी रहेको ठाउँमा पनि आधारभूत संरचनाहरू बनिसकेकोले यो वर्षभित्रै सेवा पुग्ने उनको दावी छ ।