शेयर बजारमा १८ अंकको गिरावट, दुई कम्पनीको शेयर मूल्यमा १० प्रतिशतको वृद्धि

प्रकाशित मिति : सोम, पौष ५, २०७८
- विद्युत संसार संवाददाता

काठमाडौँ, पुस । आज सोमबार शेयर बजारको परिसूचक नेप्से झण्डै १८ अंकले गिरावट आएको छ । आज १७. ९३ अंकले घटेसँगै परिसूचक २३५८ अंकमा कायम भएको छ । आज १८९ कम्पनीको शेयर कारोबार हुँदा दिनभर जम्मा २ अर्ब ४६ करोड रुपैयाँको कारोबार भएको छ । माइक्रोफाइनान्स र उत्पादन उपसमूह मात्रै बढेको छ भने बाँकी सबै उपसमुह घटेका छन् ।

माइक्रोफाइनान्स ६ तथा उत्पादन उपसमूह १९४ अंकले बढे । बैंकिङ ७, ब्यापार २, होटल तथा पर्यटन ४५, विकास बैंक ९२, जलविद्युत ५२, फाइनान्स १७, निर्जीवन बीमा १७०, अन्य ३८, र जीवन बीमा उपसमूह १०६ अंकले घटे ।

कुल १४३ कम्पनीको मूल्य घट्यो भने ४३ को बढ्यो । ३ कम्पनीको मूल्य भने स्थिर रह्यो । दुई कम्पनीको मूल्य १० प्रतिशतले बढ्यो । गोर्खा फाइनान्स र हिमालयन डिस्टिलरीको मूल्य १० प्रतिशतले बढेको छ ।