१५ प्रतिशत लाभांश वितरण गर्दै चिलिमे जलविद्युत कम्पनी

प्रकाशित मिति : आइत, मंसिर २६, २०७८
- विद्युत संसार साप्ताहिक

काठमाडौ, मंसिर । चिलिमे जलविद्युत कम्पनीले आफ्नो शेयरधनीलाई १५ प्रतिशत लाभांस दिने भएको छ । कम्पनीको गत शुक्रबार बसेको सञ्चालक समितिको बैंठकले आर्थिक वर्ष २०७७÷७८ मा आर्जन भएको मुनाफाबाट शेयरधनी सदस्यलाई १५ प्रतिशत लाभांस दिने प्रस्ताव गरेको हो ।

कम्पनीले ७.५ प्रतिशत नगद लाभांस र ७.५ प्रतिशत बोनस शेयर दिने प्रस्ताव सञ्चालक समितिबाट भएको र सञ्चालक समितिले गरेको प्रस्ताव कम्पनीको साधारणसभाले पारित गरेपछि वितरण गरिने कम्पनीले जनाएको छ । कम्पनीको २५ औं वार्षिक साधारणसभा आगामी पुस २३ गते हुँदैछ ।

कम्पनीको रसुवामा २२.१ मेगावाटको चिलिमे जलविद्युत आयोजनाले विद्युत उत्पादन गरीरहेको छ । अहिले कम्पनीले सहायक कम्पनीमार्फत २ सय ७० मेगावाटका ४ जलविद्युत आयोजना निर्माण गरिरहेको छ ।