मोरङ्ग इलेक्ट्रिक संघद्वारा रक्तदान कार्यक्रम सम्पन्न

प्रकाशित मिति : सोम, मंसिर २०, २०७८
- विद्युत संसार संवाददाता

काठमाडौं २० मंसिर । मोरङ्ग इलेक्ट्रिक संघले गत शनिवार रक्तदान कार्यक्रम सम्पन्न गरेको छ ।

विद्युतीय व्यवसायीहरुको संस्था मोरङ्ग इलेक्ट्रिक संघले विराटनगरमा हाल देखिएको रगतको अभावलाई मध्यनजर गर्दै खुल्ला रक्तदान कार्यक्रम गरिएको हो ।

मङ्सिर १८ गते शनिवार पुष्पलाल चोकमा संघले आयोजना गरेको खुल्ला रक्तदान कार्यक्रममा महिला १० र पुरुष ४१ गरी ५१ जना सहभागी भएको संघका प्रथम उपध्यक्ष राजेश अग्रवालले बताए ।

कार्यक्रममा संघका पूर्व अध्यक्ष, सल्लाहकार, कार्यकारी समितिका सदस्य, साधरण सदस्य लगायत अन्य सर्वसाधारणको समेत उल्लेखनिय उपस्थिति रहेको अग्रवालले जानकारी दिए ।