मारुती, युनाइटेड, जगदम्बा लगायत ५ वटा सिमेन्ट उद्योगलाई कारर्वाही

प्रकाशित मिति : बिही, मंसिर २, २०७८
- विद्युत संसार साप्ताहिक

काठमाण्डौ, मंसिर । नेपाल गुणस्तर तथा नापतौल विभाग गुणस्तरहीन सिमेन्ट उत्पादन गर्ने पाँच वटा सिमेन्ट उद्योग कारर्वाही गर्ने भएको छ । विभागले मारुती सिमेन्ट लिमिटेड सिरहा, युनाइटेड सिमेन्ट प्रालि धादिङ, जगदम्बा सिमेन्ट प्रालि रुपन्देही, जानकी केवल प्रा.लि धनुषा र ग्यास वान नेपाल प्रा.लि बारालाई कारर्वाही गर्ने भएको हो ।

मारुती, युनाइटेड र जगदम्बा सिमेन्ट प्रालिको उत्पादनमा तोकिएको गुणस्तर नभएको भन्दै विभागले बिक्री÷वितरण रोक्का गरी १५ दिनभित्र स्पष्टीकरण पेस गर्न पत्र काटेको छ ।

त्यस्तै युनाइटेड सिमेन्टको ५३ ग्रेडको सङ्कलित ओपीसी सिमेन्टको नमुनामा कम्प्रेसिभ स्ट्रेन्थ ७ र २८ दिनको मान क्रमशः ३७ र ५३ हुनुपर्नेमा ३५ र ३९ रहेको र यो नमुना नेपाल गुणस्तर ५७२ अनुसार नरहेको भन्दै ५३ ग्रेडको सिमेन्ट बिक्री रोक्का गरी त्यो ब्याचको सम्पूर्ण सिमेन्ट फिर्ता गर्न निर्देशन दिएको छ ।

साथै जगदम्बा सिमेन्टको पीपीसी सिमेन्टको नमुनामा कम्प्रेसिभ स्ट्रेन्थ ७ र २८ दिनको मान क्रमशः १६ र २२ हुनुपर्नेमा १५ र २० रहेको र यो नमुना नेपाल गुणस्तर ३८५ अनुसार नरहेको भन्दै विभागले सिमेन्ट बिक्री रोक्का गरी यो ब्याचको सम्पूर्ण सिमेन्ट फिर्ता गर्न निर्देशन दिनुका साथै १५ दिनमा स्पष्टीकरण पेस गर्न निर्देशन दिएको छ । ग्यास वान नेपाल प्रा.लि बारालाई सेफ्टी क्याप नलगाएको, टेर वेट नलिएको पर्जिङ मेशिन प्रयोगमा नल्याएको लगायतका कैफियतहरु पुरा नहुन्जेल सम्मका लागि काम बन्द गरी १५ दिनभित्र स्पष्टिकरण पेश गर्न निर्देशन दिइएको छ ।