हरेकको भान्सामा विद्युतको प्रयोग वृद्धि गर्न मन्त्री भुसालको आग्रह

प्रकाशित मिति : आइत, कार्तिक २८, २०७८
- विद्युत संसार साप्ताहिक

काठमाडौं, कात्तिक । ऊर्जामन्त्री पम्फा भुसालले विद्युत् उत्पादन बढिरहेकोले खपत वृद्धि गर्न हरेकको भान्सामा विद्युतीय सामानहरु प्रयोग गरी खपत वृद्धि गर्न आग्रह गरेकी छिन् । सामुदायिक रेडियोहरूको संस्था अकोराब र अमार्कले आज ललितपुरमा गरेको कार्यक्रमको सम्बोधन गर्दै मन्त्री भुसालले यस्तो बताएकी हुन् ।

ग्यास, पेट्रोलियम पदार्थलगायतको विकल्पमा विद्युतको प्रयोग गरिनुपर्ने भन्दै ‘भान्सामा इन्डक्सन चुल्होलगायतका विद्युतीय सामग्रीहरु प्रयोग गरी विद्युत खपत बढाउन सहयोग गर्न आग्रह गरेकी छन् ।

सरकारले विद्युतको महशुल घटाउँदै लगेको समेत बताउँदै मंसिर १ गतेदेखि लागू हुने गरी रेडियो, खानेपानीलगायत क्षेत्रमा महशुल घट्ने र विद्युतको प्रयोग वृद्धि गर्न सके व्यापार घाटा समेत कम गर्न सकिने उनको भनाइ छ ।

रेडियो सञ्चालकहरूले प्रतियुनिट अहिले ११ रूपैयाँ तिर्दै आएकोमा अब ७ रूपैयाँ तिरे पुग्ने अकोराबका महासचिव किशोरजंग थापा बताउँछन् ।