महासंघको भवन शिलान्यास, एक वर्षमा नै निर्माण सम्पन्न गर्ने लक्ष्य

प्रकाशित मिति : बिही, कार्तिक ४, २०७८
- विद्युत संसार

काठमाडौं ४ कात्तिक । नेपाल विद्युतीय व्यवसायी महासंघले आफ्नै भवन निर्माणको थालनी गरेको छ ।

विद्युतीय बजारको केन्द्र काठमाडौको भोटेबहालमा निर्माण हुने महासंघको भवन हिजो बुधवार शिलान्यास गरिएको हो ।

महासंघले लामो समय देखि आफ्नै भवन निर्माण गर्न लागि परेपनि विभिन्न कारणले निर्माण सुरु हुन सकेको थिएन । करिव ३ करोड लगानीमा बन्ने भवन एक वर्षमा नै निर्माण सम्पन्न गर्ने लक्ष्य लिएको महासंघका अध्यक्ष सुदर्शन पौड्यालले विद्युत संसारलाई बताए ।

शिलान्यास कार्यक्रममा महासंघका पूर्वपधाधिकारीहरु, वर्तमान कार्यसमिति सदस्यका साथै विभिन्न जिल्लासंघका पधाधिकारीहरुको उपस्थिति रहेको थियो ।