न्यादीको आइपीओमा आवेदन दिने आज अन्तिम दिन

प्रकाशित मिति : मंगल, असोज १९, २०७८
- विद्युत संसार साप्ताहिक

काठमाडौं, असोज । न्यादी हाइड्रोपावर कम्पनीको आइपीओमा आवेदन दिने आज दिन । कम्पनीले रु.एक सय अंकित मूल्यमा गत असोज १५ गतेदेखि सर्वसाधारणका लागि जारी गरेको २२ करोड ५० लाख रुपैयाँ बराबरको २२ लाख ५० हजार कित्ता शेयरका लागि इच्छुक आवेदकले आवेदन दिने आज अन्तिम दिन हो ।

कम्पनीले जारी गरेको कुल २२ लाख ५० हजार कित्ता आईपीओ मध्ये कम्पनीले ५ प्रतिशत अर्थात् १ लाख १२ हजार ५०० कित्ता सामूहिक लगानी कोषका लागि र २ प्रतिशत अर्थात् ४५ हजार कित्ता सेयर कर्मचारीहरुका लागि कम्पनीले छुट्याइएको छ भने, बाँकी २० लाख ९२ हजार ५०० कित्ताका लागि सर्वसाधारणका छुट्याएको छ । कम्पनीको आईपीओका लागि न्यूनतम १० कित्तादेखि अधिकतम ५० हजार कित्तासम्मका लागि आवेदन सकिने छ ।

माग गरेभन्दा तीव्र संख्यामा आवेदन परिसकेको कम्पनीले जनाएको छ । शेयर बिक्री प्रबन्धकमा ग्लोबल आइएमई क्यापिटल रहेको छ ।