नेप्सेमा लगातार पहिरो, आज ७६ अंकको गिरावट

प्रकाशित मिति : बिही, भदौ ३१, २०७८
- विद्युत संसार संवाददाता

काठमाडौँ, भदौ । यो साता नेप्से लगातार रुपमा गिरावट आएको छ । साताको आज अन्तिम दिनको कारोबार पनि नेप्सेमा ७६.६५ अंकले गिरावट आएको हो । आज नेप्से २८१२.३८ बिन्दुमा पुगेको छ ।

आज नेप्से सेन्सेटिभ इण्डेक्स १२.७३ अंकले घटेको छ भने फ्लोट इण्डेक्स ५.५८ अंकले घटेको छ । त्यस्तै सेन्सेटिभ फ्लोट इण्डेक्स पनि ४.६३ अंकले घटेको छ ।

आज २२९ कम्पनीको ९ अर्ब ३ करोड ३९ लाख ६२३ कारोबार भएको छ भने १ करोड ६४ लाख ६८ हजार ५०८ कित्ता शेयर कारोबार भएको छ ।

बिहिबार सबै उपसूचकमा गिरावट आएको छ भने सबैभन्दा बढी फाइनान्सको शेयर ४.९४ प्रतिशतले घटेको छ । त्यस्तै हाइड्रोपावरको शेयरमा ४.०८ प्रतिशतले घटेको छ ।

त्यसैगरी होटल तथा पर्यटन, विकास बैंक, ट्रेडिङ र माइक्रोफाइनान्सको शेयर ३ प्रतिशत भन्दा बढीले घटेको छ । त्यस्तै बैंकिंग, निर्जीव वीमा, उत्पादन, जीवन वीमा र लगानी क्षेत्रको शेयर २ प्रतिशतभन्दा बढीले घटेको छ ।

त्यसैगरी विहिबार मनकामना स्मार्ट लघुवित्तको शेयर मुल्यमा सकारात्मक सर्किट लागेको छ भने कर्पोरेट डेभलपमेन्ट बैंकको शेयर मुलत ८.१७ प्रतिशतले घटेको छ ।