माथिल्लो तामाकोशीको दुई आर्थिक वर्षको साधारणसभा हुँदै

प्रकाशित मिति : सोम, भदौ २८, २०७८
- विद्युत संसार

काठमाडौं २८ भदौ । माथिल्लो तामाकोशी हाइड्रोपावरले गत दुई आर्थिक वर्षको वार्षिक साधारणसभा आह्वान गरेको छ ।

कम्पनीको भदौ १७ गते बसेको सञ्चालक समितिको बैठकले १२ औँ र १३ औँ वार्षिक साधारणसभा असोज १९ गते गर्ने निर्णय गरेको हो ।

कम्पनीको आर्थिक वर्ष २०७५/७६ र २०७६/७७ को १२ औँ र १३ औँ वार्षिक साधारणसभा भर्चुअल माध्यमबाट बिहान ११ः३० बजे सुरु हुने कम्पनीले जनाएको छ ।

सभाले दुवै आर्थिक वर्षको वार्षिक, लेखापरीक्षकको प्रतिवेदनलगायतका महत्वपूर्ण प्रतिवेदनहरु पनि सभाले अनुमोदन गर्नुको साथै कम्पनीको प्रबन्धपत्र तथा नियमावलीमा संशोधन गर्ने विशेष प्रस्ताव पनि पारित गर्नेछ ।

कम्पनीले साधारणसभा प्रयोजनार्थ असोज ४ गते १ दिनका लागि बुकक्लोज गर्ने निर्णय गरेको छ । असोज १, २ र ३ गते नेप्सेमा कारोबार बन्द हुने भएकाले भदौ ३१ गतेसम्म नेप्सेमा कारोबार भई कायम शेयरधनीहरुले मात्र सभामा सहभागि हुन सक्ने कम्पनलिे जनाएको छ ।