शेयर बजार १४७.३७ अंकले घटेर नकारात्मक सर्किट : कारोबार बन्द !

प्रकाशित मिति : आइत, भदौ २०, २०७८
- विद्युत संसार संवाददाता

काठमाडौं, भदौ । आज साताको पहिलो दिनमा नेप्सेमा भारीमात्रामा गिरावट आएको छ ।

आज आइतबार शेयर बजारमा नकारात्मक सर्किट लागेपछि ४० मिनेटका लागि कारोबार स्थगित गरिएको छ ।

१२ बजेर ५९ मिनेट जाँदा शेयर बजार ५.०३ प्रतिशतले घटेपछि कारोबार बन्द गरिएको नेप्सेले जनाएको छ ।

यस अवधिसम्म नेप्से परिसूचक ५.०३ प्रतिशत अर्थात् १४७.३७ अंकले घटेर २७७९.६८ बिन्दुमा पुगेको छ ।

कुल २१५ कम्पनीको १ करोड ४८ लाख ३१ हजार ७ सय ३८ कित्ता शेयर खरिदबिक्री हुँदा ७ अर्ब १९ करोड ९० लाख ३५ हजार ६ सय ७१ रुपैयाँ बराबरको भएको छ । आजको कारेवारमा करिव ६० कम्पनीको शेयर मूल्यमा नकारात्मक सर्किट लागेको छ भने नेप्सेमा भारी अंकको गिरावट आउँदा पनि सानिमा लाइफ इन्स्योरेन्स र मनकामना स्मार्ट लघुवित्तका भने शेयर मूल्य वृद्धि भएको छ ।