नेप्सेले रोक्यो खानीखोला हाइड्रोपावरको शेयर कारोबार

प्रकाशित मिति : मंगल, भदौ ८, २०७८
- विद्युत संसार संवाददाता

काठमाडौं,भदौ । खानीखोला हाइड्रोपवार कम्पनी (केकेएचसी) को शेयर कारोबारमा रोक लगाएको छ ।

नेपाल स्टक एक्सचेञ्जले शंका लागेको भन्दै खानीखोला हाइड्रोपावरको शेयर कारोबार मंगलबार रोक्का गरेको हो ।

नेप्सेले कारोबार रोक्का गरेसँगै ट्रेड म्यानेजमेन्ट सिस्टम (टीएमएस)मा खानीखोलाको शेयर संकेत नै देखाएको छैन ।

झुटो वित्तीय विवरण सार्वजनिक गरेको आशंका र खालीखोलाको वित्तीय विवरणमाथि उजुरी परेको कारणले रोक्का गर्नुपरेको नेप्सेले जनाएको छ ।

खानीखोलाको शेयर कारोबार केही दिनदेखि निरन्तर उकालो लागिरहेको थियो । कारोबारमा केही गडबडी पाइएकोले शेयर कारोबारमाथि छानबिन हुने भएको छ । लगातार ४ दिन देखि बन्द भएको शेयर बजार आज मंगलबारबाट सुचारु भएको छ ।