काठमाडौं, भदौ । रु रु जलविद्युत परियोजना लिमिटेडले आर्थिक वर्ष २०७६÷७७ अवधिको मुनाफाबाट चुक्ता पूँजीको १०.५२६३% नगद लाभांश तथा आर्थिक वर्ष २०७७/७८ अवधिको मुनाफाबाट चुक्ता पूँजीको १०% बोनस शेयर वितरण  गरिने भएको छ ।  सो बोनस शेयरको कर प्रयोजनका लागि ०.५२६३% नगद लाभांश समेत गरी दुई आर्थिक वर्षको लागि कुल २१.०५२६% लाभांश दिने प्रस्ताव अघि सारेको हो ।

 

कम्पनीको भदौ १ गते बसेको सञ्चालक समितिको बैठकले आगामी १५ औं र १६ औं (आ. ब. २०७६/७७ र २०७७/७८) वार्षिक साधारण सभा प्रयोजनार्थ कम्पनीको शेयर दाखिल खारेज बन्द हुने मिति सम्म कायम रहने गरी शेयरधनीहरु लाई आर्थिक वर्ष २०७६/७७ अवधिको मुनाफाबाट चुक्ता पूँजीको १०.५२६३% नगद लाभांश तथा आर्थिक वर्ष २०७७/७८ अवधिको मुनाफा बाट चुक्ता पूँजीको १०% बोनस शेयर वितरण र सो बोनस शेयरको कर प्रयोजनका लागि ०.५२६३% नगद लाभांश शेयरधनीहरुलाई वितरण गर्ने निर्णय गरेको कम्पनीले जनाएको छ ।

 

संचालक समितिले घोषणा गरेको सो प्रस्ताव कम्पनीको आगामी १५ औं र १६ औं वार्षिक साधारण सभाबाट पारित भएपछि मात्र शेयरधनीहरुलाई वितरण गरिने जनाइएको छ ।