निषेधाज्ञा ८ भदौसम्म थप, बिहीबारब राति ८ बजेपछि सवारीसाधन चलाउन रोक

प्रकाशित मिति : मंगल, साउन २६, २०७८
- विद्युत संसार संवाददाता

काठमाडौं २६ साउन । जारी निषेधाज्ञा ८ भदौसम्म थप भएको छ । काठमाडौं, भक्तपुर र ललितपुरका प्रमुख जिल्ला अधिकारीले छलफलले निषेधाज्ञा ८ भदौसम्म थप गर्दै उपत्यकामा रातिको समयमा सवारीसाधन सञ्चालनमा रोक लगाउने निर्णय समेत गरेको छ ।

बिहीबारबाट लागू हुने गरी निषेधाज्ञा थप गर्दै प्रशासनले बेलुकी ८ बजेपछि सार्वजनिक तथा निजी सवारीसाधन सञ्चालनमा रोक लगाएको हो ।

निषेधाज्ञाको अरु मोडालिटी पहिलेकोलाई नै निरन्तरता दिदै कोभिड–१९ भाइरसको संक्रमण बढ्दै जाँदा रात्रिकालीन समयमा हुने सवारीसाधनको आवतजावतमा कडाइ गरिएको हो । अत्यावश्यक सवारीसाधन भने चाहिँ जतिसुकै वेला चल्न पाउने छन् ।