हितेन्द्रलाई बोलाएर ऊर्जामन्त्रीले भनिन– कुलमानलाई नियुक्त गर्नुपर्ने भयो, ठाउँ खाली गरिदेउ

प्रकाशित मिति : मंगल, साउन १९, २०७८
-

काठमाडौं । उर्जामन्त्री पम्फा भुसालले कुलमान घिसिङलाई नेपाल विद्युत प्राधिकरणमा पुनः कुलमान घिसिङलाई कार्यकारी निर्देशक बनाउनु पर्यो भयो भन्दै हालका कार्यकारी निर्देशक हितेन्द्रदेव शाक्यलाई राजीनामा गर्न निर्देशन दिएकी छन् ।

मन्त्री भुसालले मंगलबार शाक्यलाई मन्त्रालयमा बोलाएर ठाडो निर्देशन दिएकी हुन् । भरपर्दो स्रोतका अनुसार आफ्नो पार्टी अध्यक्ष (माओवादी केन्द्रका अध्यक्ष पुष्पकमल दाहाल प्रचण्ड)को चाहना पनि कुलमानलाई नियुक्ति दिनुपर्छ भन्ने रहेको सुनाउँदै उनले शाक्यलाई प्राधिकरण छोडन् आग्रह गरेकी हुन् ।

तर शाक्यले भने आफूलाई सरकारले चार वर्षका लागि कार्यकारी निर्देशक बनाएकाले उक्त अवधि प्राधिकरण सुधारका लागि लागिरहने बताएका थिए । उनले मन्त्रिपरिषदबाट हटाए पनि आफू कानुनी उपचारमा जाने स्पष्ट पार्दै तर राजीनामा नदिने अडानका साथ मन्त्रालयबाट फर्किएको स्रोतको भनाई छ ।

हितेन्द्रदेव शाक्यलाई पूर्ववर्ती केपी ओली नेतृत्वको सरकारले कार्यकारी निर्देशक नियुक्त गरेको हो । घिसिङलाई पुनः प्राधिकरणमा ल्याउने विषयमा मन्त्री भुसाल, माओवादी केन्द्रका अन्य नेता र प्रचण्डबीच छलफल भइरहेको थियो । कर्पोरेट नेपाल