पेट्रोलियम पाइपलाइनमा रबरका टुक्रा जमेपछि मर्मत सुरु, मर्मत गर्न तीन साता लाग्ने

प्रकाशित मिति : शुक्र, साउन १५, २०७८
- विद्युत संसार

काठमाडौं १५ साउन । नेपाल भारत पहिलो अन्तरदेशीय पेट्रोलियम पाइपलाइनमा रबरका टुक्रा जमेको पाइएपछि मर्मत सुरु गरिएको छ ।

पेट्रोलियमको आपूर्ति फ्लो कम भएपछि अमलेखगञ्ज डिपोबाट झण्डै २० किलोमिटर पर पर्साको परवानीपुरमा रहेको भल्बमा रबरका टुक्रा जमेको पाइएपछि मर्मत सुरु गरिएको नेपाल आयल निगमले जनाएको छ ।

समस्या देखिएको भल्बबाट ६ सय मिटर वर परबाट बाइपास गरेर तेल आपूर्ति सहज बनाएर बुधबारदेखि पाइपलाइन मर्मत थालिएको हो । निगमका अनुसार पाइपलाइन मर्मत गर्न तीन साता लाग्नेछ । पाइपलाइनमा पहिलो पटक समस्या देखिएको हो ।