साउन १४ देखि मैलुङ खोला जलविद्युत कम्पनीले आईपीओ आउदै

प्रकाशित मिति : बिही, साउन ७, २०७८
- विद्युत संसार

काठमाडौं ७ साउन । मैलुङ खोला जलविद्युत कम्नीले साउन १४ देखि सात लाख ३६ हजार २८६ कित्ता आईपीओ जारी गर्ने भएको छ ।

प्रतिकित्ता एक सय रुपैयाँ अङ्कति आईपीओमा न्यूनतम १० कित्तादेखि अधिकतम एक लाख कित्तासम्म खरिदका लागि आवेदन दिन सकिनेछ ।

कुल सात करोड ३६ लाख २८ हजार ६०० रुपैयाँ बराबरको सात लाख ३६ हजार २८६ कित्ता आइपिओ निष्कासन गर्ने भएको हो जसमध्ये १४ हजार ७२६ कित्ता कर्मचारी र ३६ हजार ८१४ कित्ता सामूहिक लगानी कोषको लागि छुट्ट्याइएको छ । त्यसबाट बाँकी ६ लाख ८४ हजार ७४६ कित्ता आईपीओमा सर्वसाधारणले आवेदन दिन पाउने छन् ।

आइपिओ बिक्री छिटोमा साउन १८ गतेसम्म र ढिलोमा साउन २८ गते बन्द हुने कम्पनीले जनाएको छ । कम्पनीले असार २३ गते धितो पत्र बोर्डबाट अनुमति पाएको थियो । आइपिओ बिक्री प्रबन्धकमा सिद्धार्थ क्यापिटल रहेको छ ।