नेपाल टेलिकमको विज्ञप्तिः सर्भर ह्याक भएको छैन

प्रकाशित मिति : शुक्र, साउन १, २०७८
- विद्युत संसार

काठमाडौँ १ साउन । नेपाल टेलिकमले आफ्नो सर्भरमा कुनै पनि ह्याक नभएको एक विज्ञप्ति मार्फत जनाकारी दिएको छ ।

केही दिनयता ह्याकर समूहद्वारा टेलिकमको सर्भरमा आक्रमण गरिएको जस्ता खबर सार्वजनिक भएपछि कम्पनीले शङ्कास्पद डिभाइस बन्द गरेर छानबिन सम्पन्न गर्दै कुनै पनि डाटा चोरी भएको नभएको टेलिकमले जनाएको छ ।

“कम्पनीका सम्बन्धित विज्ञबाट विस्तृत छानबिन पश्चात् कम्पनीको कुनै पनि डाटा चोरी नभएको र समाचारमा उल्लेख गरिएको दाबीमा कुनै पनि सत्यता नरहेको टेलिकमले जारी गरेको विज्ञप्तिमा उल्लेख छ ।

ग्राहकसँग सम्बन्धित डाटा सुरक्षित राख्न कम्पनीले सुरक्षात्मक संयन्त्र अपनाउँदै आइरहेको र आगामी दिनमा समेत ग्राहकका विवरण सुरक्षित राख्नका लागि कम्पनी प्रतिबद्ध रहेको टेलिकमले जनाएको छ ।