संयुक्त विद्यार्थी संगठनको आन्दोलनपछि पेट्रोलियम पदार्थको मूल्य घट्यो

प्रकाशित मिति : बिही, असार ३१, २०७८
- विद्युत संसार

काठमाडौं, असार । नेपालको नवनियुक्त प्रधानमन्त्री तथा कांग्रेसका सभापति शेरबहादुर देउवाको नयाँ सरकार आउनासाथ जनतालाई पेट्रोलियम पदार्थको मूल्य सामान्य दरमा घटाएको छ ।

मूल्यवृद्धिको विषयलाई लिएर केही दिनदेखि आन्दोलनरत संयुक्त विद्यार्थी संगठनसँगको वार्तापछि सरकारले मूल्य घटाइएको नेपाल आयल निगम लिमिटेडले जनाएको छ ।

निगम सञ्चालक समितिको निर्णय अनुसार बुधबार राति १२ देखि लागु हुने गरी पेट्रोल तथा डिजेल र मट्टितेलको साविकको खुद्रा बिक्री मूल्यमा प्रतिलिटर एक रुपैयाँ मूल्य घटाइएको निगमले जनाएको छ । मूल्य घटाउनु भन्दा पहिले पेट्रोल प्रतिलिटर रु.१२९, डिजेल तथा मटितेलको मूल्य रु.११२ थियो भने अब पेट्रोल प्रतिलिटर १२८ र डिजेल तथा मटितेलको मूल्य १११ रुपैयाँ कायम गरिएको छ

नेपाल विद्यार्थी संघ, अनेरास्ववियु क्रान्तिकारी, अनेरास्ववियु, समाजवादी विद्यार्थी युनियन र अखिल छैठौं मूल्यवृद्धि विरुद्ध आन्दोलित छन् ।