भर्खरै

भोलिदेखि उपत्यकामा सार्वजनिक यातायात चल्ने, जोरविजोर प्रणाली लागु

  • प्रकाशित मिति : सोम, असार १४, २०७८
  • - विद्युत संसार संवाददाता
title

काठमाडौं १४ साउन । काठमाडौं उपत्यकामा भोलिदेखि सार्वजनिक यातायात चल्ने निर्णय भएको छ । सोमबार बसेको काठमाडौं उपत्यकाका तीन जिल्ला प्रमुख अधिकारीको बैठकले स्वास्थ्य मापदण्ड पालना गरी २५ सिटभन्दा बढीका सार्वजनिक सवारी साधन जोरबिजोर प्रणालीको आधारमा चल्न दिने निर्णय भएको छ ।
उक्त निर्णयसँगै बिहान ६ बजेदेखि साँझ ७ बजेसम्म सार्वजनिक बस संचालनमा आउनेछन् । अन्य साना सार्वजनिक सवारी साधनको हकमा भने नयाँ निर्णय गरिएको छैन ।
खाद्यान्नका पसल अबदेखि साँझ ६ बजेसम्म खोल्न पाइने छ । यसअघि खाद्यान्नका पसल बिहान ११ बजेसम्म मात्रै खोल्न पाउने निर्णय गरिएको थियो ।
अघिल्लो साता थपेको निषेधाज्ञा आज राति १२ बजे सकिँदैछ । जारी निषेधाज्ञालाई खुकुलो पार्दै जोरबिजोर प्रणालीका आधारमा सार्वजनिक बस चल्न दिने निर्णय बैठकले गरेको हो ।

प्रतिक्रिया