निषेधाज्ञा अवधिभर मासिक २० युनिटसम्म विद्युत् महसुल तिर्नु नपर्ने

प्रकाशित मिति : आइत, जेठ १६, २०७८
- विद्युत संसार संवाददाता

काठमाण्डौ । सरकारले निषेधाज्ञा अवधिभर विद्युत् महसुल छुट दिने भएको छ । अर्थमन्त्री विष्णु पौडेलले आगामी आर्थिक वर्षको बजेट प्रस्तुत गर्दै विद्युत् महसुल छुट दिन लागेको जानकारी दिए ।

निषेधाज्ञा अवधिभर घरायसी तथा साना विद्युत् उपभोक्ताले मासिक २० युनिटसम्म खपत गर्नेलाई शतप्रतिशत, मासिक १५० युनिटसम्म खतप गर्नेलाई ५० प्रतिशत र २५० युनिटसम्म खपत गर्नेलाई ३० प्रतिशत महसुल छुट दिइने भएको हो ।

त्यस्तै, साझेदारी, सहलगानी तथा सबै प्रकारका खानेपानी तथा सिचाँइ उपभोक्ता समितिले तिर्नुपर्ने विद्युतको डिमान्ड शुल्क र महसुल पूरै छुट दिने व्यवस्था गरिएको अर्थमन्त्री पौडेलले बताए ।