बाजुराको गौमुल गाउँपालिकामा ११ करोड लगानीमा बिजुली उत्पादन हुँदै

प्रकाशित मिति : शनि, चैत १४, २०७७
- विद्युत संसार संवाददाता

बाजुरा, चैत । गौमुल गाउँ पालिकामा ११ करोडको लगानिमा बिजुली उत्पादन हुने भएको छ । पालिमामा १ सय किलोवाट क्षमताको बिजुली उत्पादन हुने भएको गाउँपालिकाका अध्यक्ष हरीबहादुर रोकायाले बताए ।

गाउँमै बिजुली बल्ने भएपछि दुुर्गम गाउँका बासिन्दा बिजुली बाल्न सक्रिय अध्यक्ष रोकायाले बताए । गाउँलाई अन्धकारमुक्त बनाउनका लागि बिजुली बाल्न सक्रिय भएको र गाउँपालिकाको दुुर्गम वडा नम्बर १ र २ का गाउँहरुमा चाडै बिजुली बाल्ने योजना रहेको अध्यक्ष रोकायाले भने ।

बाजुराका दुुर्गम गाउँका रुपमा परिचित वडा नम्बर १ को अन्द्राडि गाउँमा १ सय किलोवाटको बिजुली उत्पादन हुने गरी काम शुरु भएको छ । २०७८ मा गाँउमा बिजुली बाल्ने गरि अन्द्राडी लघु जल विद्युत आयोजना सञ्चालनमा आएको छ ।

एक सय किलोवाट विद्युत बाल्नका लागि गाउँपालिकाको सहकार्यमा कादुरी एग्रिकल्चरल एण्ड एसोसियन ब्रिटिस गोर्खाज् नेपालले करिब ११ करोड खर्च गरेर काम शुरु भएको परियोजना व्यवस्थापक बालचन्द्र रानाले बताए । समुदायको माग भएपछि आफुहरुले काम गरेको उनले बताए ।

संस्थाको १० करोड ७९ लाख ८५ हजार ५ सय ३१ र गाउँलेको श्रवदान ३० लाख ३४ हजार ८ सय गरि ११ करोड १० लाख २० हजार ३ सय ३१ लगानीमा बिजुली बलिसक्ने बालचन्द्र रानाले बताए । अध्यक्ष हरिबहादुर रोकायाले भने, ‘गाउँपालिकाले समन्वय सहकार्य गरेका हो, सबै लगानी कादुरी एग्रिकल्चरल एण्ड एसोसियन ब्रिटिस गोर्खाज् नेपालको रहेको छ ।’

उक्त परियोजनाबाट गाउँपालिकाका ४ सय ८८ घरधुरीका ३ हजार १ सय ३६ जनाले सेवा पाउने भएका छन् । परियोजनाले सामान खरिद गरेर हेलिकप्टर मार्फत ढुवानी गरिसकेको छ, अर्को गाउँ झिलीमिली पारिसक्ने उपभोक्ता समितिका अध्यक्ष धनबहादुर बोहोराले बताएका छन् ।

अन्द्राडि गाउँ २०३६ सालमा मात्र गाउँ रहेको थाहा भएको थियो । बर्षौदेखि झरोको साहारामा उज्यालो बाल्दै आएका स्थानिय १ बर्षभित्र गाँउ झिलिमिलि बनाइसक्ने योजनाका साथ काममा लागेको छ । ‘झरोको भरमा उज्यालो बालिरहेका थियौँ’ चाँडै बिजुली बल्ने भएपछि खुशी भएको अनेरास्वियुका जिल्ला अध्यक्ष राजिब रोकायाले बताए । स्रोत–दृष्टि