पोखरा, पुस । पोखरा इलेक्ट्रिक एशोसिएसनको २१ औँ वार्षिक साधारण सभा तथा ११ अधिवेशन कार्यक्रम हुने भएको छ । साधारण सभा तथा अधिवेशन कार्यक्रम यहि माघ ३ गते पोखराको सिर्जनाचोक स्थित साइमन पार्टी प्यालेसमा हुने भएको हो । 

 

पोखरा भित्र रहेका विद्युतीय व्यवसायीहरुको हकहितका लागि काम गर्दै आएको एशोसिएसनमा हाल सम्म १ सय ४० जना भन्दा बढी विद्युतीय व्यवसायीहरु आवद्ध रहेका छन् । विद्युतीय व्यवसायीहरुलाई परेको समस्या, व्यवसायीहरुको आवश्यकता, माग लगायतका विषयमा एशोसिएसनले काम गर्दै आइरहेको एशोसियसनका अध्यक्ष राजु भण्डारीले बताए । एशोसिएसनले व्यावसायिक हितका लागि मात्र नभई सामाजिक कार्यमा पनि सक्रिया भूमिका निर्वाह गर्दै आइरहेको अध्यक्ष भण्डारीको भनाई छ । 

एशोसिएसनको साधारण सभा तथा अधिवेशन कार्यक्रममा नेपाल विद्युतीय व्यवसायी महासंघका अध्यक्ष सुर्दशन पौड्यालको प्रमुख आथित्य रहने त्यस्तै विशेष अथितिहरुमा उद्योग वाणिज्य महासंघ गण्डकी प्रदेशका अध्यक्ष सन्जिव बहादुर कोइराला र पोखरा उद्योग वाणिज्य संघका अध्यक्ष नारायण कोइराला रहने उनले बताए । अधिवेशनबाट आउने नयाँ कार्यसमितिहरु सर्वसम्मत नै चयन हुने समेत उनले बताए ।