आगलागीबाट आठ लाख बराबरको क्षति, एकको मृत्यु
- प्रकाशित मिति : मंगल, पौष २८, २०७७
- - Admin
झापा, पुस । झापा दमक– ३ बेलडाँगीस्थित भुटानी शरणार्थी शिविरमा आगलागी भएको छ ।
आगलागीमा परेर एकजनाको मृत्यु भएको जिल्ला प्रहरी कार्यालयका दमकले जानकारी दिएको छ । आगलागीमा परेर मृत्यु हुनेमा शिविरको सेक्टर नं डि ४, छाप्रा नं ३२५ बस्ने ६० वर्षीय देशमान राई रहेका छन् । मृतक पक्षघातका बिरामी थिए ।
बाँसको टाटीले बारेको टिनको छाना भएको एक तले छाप्रामा बस्दै आएका उनको घटनास्थल मै जलेर मृत्यु भएको प्रहरी प्रवक्ता राकेश थापाले जानकारी दिए ।
उक्त आगलागीबाट छाप्रा नष्ट हुँदा छाप्राभित्र रहेको सुन एक तोला, चाँदी १० तोला, नगद रु तीन लाखसहित खाद्यान्न तथा लत्ताकपडा पूर्णरुपमा जली नष्ट हुँदा करिब रु आठ लाख बराबरको क्षति भएको प्रहरीले जनाएको छ ।
