काठमाडौं १६ पुस, । लुम्बिनी प्रदेशका मुख्यमन्त्री शंकर पोखरेलले लोडसेडिङको अन्त्य कुलमान घिसिङले नभई प्रधानमन्त्री केपी शर्मा ओली गरेको बताएका छन् । हिजो विहिबार नेपाल कम्युनिस्ट पार्टी (नेकपा) ओली समूहको प्युठानमा आयोजित जिल्ला स्तरीय अगुवा कार्यकर्ता भेलामा सम्बोधन गर्दै उनले यस्तो बताए हुन् ।

 

नेपालको कुल माग मध्य २५० मेगावाट विद्युत अपुग भएका बेला प्रधानमन्त्री ओलीले भारतसँग प्रसारण लाइन र विद्युत् खरिद सम्झौता गरेका थिए जसकारण लोडसेडिङ अन्त्यको आधार तयार भयो ।

 

प्रधानमन्त्रीको यस्तो भूमिकालाई अवमूल्यन गरेर कुनै एकजना व्यवस्थापनको कारण लोडसेडिङ्ग अन्त्य भएको भनेर मनोविज्ञान तयार गरियो बताए  । कार्यकर्तालाई सम्बोधन गर्दै नेकपा ओली समूहका नेता समेत रहेका पोखरेलले कुलमान घिसिङले लोडसेडिङ अन्त्य गर्‍यो भनेर गलत प्रचार गरिएको उनको भनाइको आशय देखिन्छ । मुख्यमन्त्री पोखरेलले भने, ‘लोडसेडिङ अन्त्यका पछाडि भारतसँग गरिएको प्रसारण लाइन विस्तार र विद्युत खरिद सम्झौता नै मुख्य पक्ष थियो ।’